ಡಾ ಡೋ ನಾ.ವೆಂಕಟೇಶ ಕವಿತೆ-ಧಾರ್ಷ್ಟ್ಯ

ಕಾವ್ಯ ಸಂಗಾತಿ

ಧಾರ್ಷ್ಟ್ಯ

ಡಾ ಡೋ ನಾ.ವೆಂಕಟೇಶ

ಕನಸಲ್ಲಿ ಕಂಡ ಹಾಗಲ್ಲ
ಜೀವನದ ಧಾರ್ಷ್ಟ್ಯ
ಬದುಕಿನ ಧಾಪು
ಮತ್ತದೇ ಛಾಪು ಮೂಡಿಸಿದ
ನೆರಳು

ಬೆಳಕಿನ ಬೆಂಕಿ
ನಲ್ಲೆ –
ಇಳಿ ವಯಸ್ಸಿನ ಹಲ್ಲೆ !
ಬದುಕು ಬದುಕಿದ್ದು ಸಾಕೋ
ಮುಂದಿನ ಜನ್ಮಕ್ಕೂ ಬೇಕೋ

ಜೀವನ ಕಲಿಸಿದ್ದು ಇಷ್ಟೇ –
ಮುಂದಿನ ಕ್ಷಣ ನವ ನವೀನ ತಂತ್ರಜ್ಞಾನದ ವಿನ್ಯಾಸ .
ಬರೆಯಲಾರಂಭಿಸಿದ ಕವನ
ಮುಗಿಯುವಾಗಾಗಲೇ
ಕಥೆ
ವ್ಯಥೆಯಾಗುವ ಹಕೀಕತ್ತು

ನನ್ನ ಮಗ ಹುಟ್ಟುವಾಗಿಂದ
ಬಂಧ ಅನುಬಂಧಕ್ಕೆ .
ಮೊಮ್ಮಗ ಹೂಡಿದ ತೀಕ್ಷ್ಣ
ಬಾಣ ಸೀದಾ
ಆಂಡ್ರೊಮಿಡಾ ಗ್ಯಾಲಕ್ಸಿ !

ತಿಳುವಳಿಕೆಯಲ್ಲಿ ನಾನೊಂದು ಗ್ರಹ
ತಾರೆಯರ ತಾಳಕ್ಕೆ ಕುಣಿವ
ಕ್ಷುದ್ರಗ್ರಹ

ಬ್ರಹ್ಮಾಂಡದ ಅಣುವಲ್ಲಿ
ಬೃಹತ್ ನಾಟಕ
ಸೂರ್ಯ ಚಂದ್ರ
ರಾತ್ರಿ ಹಗಲುಗಳ ಮಿಲನ

ಜೀವನಕ್ಕೆನ್ನೆಷ್ಟು ಧಾರ್ಷ್ಟ್ಯ
ಬದುಕಿಗಿನ್ನೆಷ್ಟು ಸೊಕ್ಕು ಸವಲತ್ತು


ಡಾ ಡೋ ನಾ.ವೆಂಕಟೇಶ

6 thoughts on “ಡಾ ಡೋ ನಾ.ವೆಂಕಟೇಶ ಕವಿತೆ-ಧಾರ್ಷ್ಟ್ಯ

  1. ಧಾರ್ಷ್ಟ್ಯ ಕವಿತೆ ,ಬಹಳ
    ಸುಂದರವಾಗಿ
    ಮ್ರದುವಾಗಿ ವರ್ಣಿಸುವ ನಿಮ್ಮ ಪ್ರಯತ್ನ ಬಹಳ ಶ್ಲಾಘನೀಯ.

    1. ಧನ್ಯವಾದಗಳು ಮಂಜಣ್ಣ ನಿಮ್ಮ ಅಭಿಮಾನಕ್ಕೆ ಋಣಿ

Leave a Reply

Back To Top