ಕಾವ್ಯ ಸಂಗಾತಿ
ಬುದ್ಧ ನಗುತ್ತಿದ್ದಾನೆ !!
ಕಾಡಜ್ಜಿ ಮಂಜುನಾಥ
ಅಧಿಕಾರದ ಆಸೆಗೆ ಹಣವಂಚುವ
ಜನಗಳು ಮತದಾರರಿಗೆ ಬಾಗಿ
ಮುಂದೆ ಅವರನ್ನೆ ಬಗ್ಗಿಸುವವರ ಕಂಡು !
|ಬುದ್ಧ ನಗುತಿದ್ದಾನೆ |
ಕುರ್ಚಿಯ ಮೋಹಕೆ ಬಲಿಯಾಗಿ
ಆಳುವ ದೊರೆಗಳು ನೋವುಂಡರು
ಮುಸಿ ನಗುವುದನ್ನು ಕಂಡು!
|ಬುದ್ಧ ನಗುತ್ತಿದ್ದಾನೆ|
ಯಜಮಾನಿಕೆ ಪ್ರವೃತ್ತಿಯ ನರಿಗಳು
ಜಾತಿ ಧರ್ಮದ ಹೆಸರಲಿ ಅಧಿಕಾರವ
ಹುಡುಕುವುದನ್ನು ಕಂಡು!
|ಬುದ್ಧ ನಗುತ್ತಿದ್ದಾನೆ|
ಬಡವರ ಬರಿದಾದ ಒಡಲಿಗೆ
ಆಮಿಷಗಳ ಆಹಾರವಂಚಿ
ನಿತ್ಯ ಉಪವಾಸವಾಗಿಡುವವರನ್ನು ಕಂಡು !
|ಬುದ್ಧ ನಗುತ್ತಿದ್ದಾನೆ|
ರಾಜಕಾರಣೀಗಳು ಕೊಡುವ ಹಣ
ಹೆಂಡ,ವಸ್ತುಗಳ ಪಡೆದ ನರರು
ಸಂಕಟಕೆ ಅವರ ಮುಂದೆ ತಲೆಬಾಗಿ
ಬೇಡುವುದನು ಕಂಡು!
|ಬುದ್ಧ ನಗುತ್ತಿದ್ದಾನೆ|
ವೈಭೋಗವ ತೊರೆದಂತೆ ಕಾವಿಧಾರಿಗಳು
ವೇಷಧರಿಸಿ, ಕಾಮ ಪಿಶಾಚಿಗಳಾಗುತ್ತಿರುವುದನ್ನು
ಕಂಡು
|ಬುದ್ದ ನಗುತ್ತಿದ್ದಾನೆ|
ಉನ್ನತ ಶಿಕ್ಷಣ ಪಡೆದ ವಿದ್ವಾಂಸರು
ವಿದ್ಯಾರ್ಥಿಗಳ ತಲೆಯಲ್ಲಿ
ಜಾತಿಯ ವಿಷ ಬೀಜವ ಬಿತ್ತುವುದನ್ನು
ಕಂಡು
|ಬುದ್ಧ ನಗುತ್ತಿದ್ದಾನೆ|
ದುರಾಸೆಗಳ ಪರಿಣಾಮದ ಅರಿವು
ಇದ್ದರೂ ಜನರು ಧನ, ಕನಕ,ಆಸ್ತಿ ,ಅಂತಸ್ತುಗಳ ಬಲಿಯಾಗುತ್ತಿರುವುದನ್ನು ಕಂಡು
|ಬುದ್ದ ನಗುತ್ತಿದ್ದಾನೆ|
ಅದ್ಭುತವಾದ ಸಾಲುಗಳು ಸಾರ್