ಕಾವ್ಯ ಸಂಗಾತಿ
ಇಮಾಮ್ ಮದ್ಗಾರ
ಓರೆನೋಟ ಹರಿಸು
ಮಣ್ಣಿನೊಲೆಯಮೇಲಿಟ್ಟ ಹಂಚಿನಂತೆ ಕಾದಿದೆ ತನು
ವಿರಹದುರಿಯಿಂದ
ರಕುತವೇಕೋ ರಭಸದಿ ಹರಿಯುತಿದೆ ನರನಾಡಿಗಳಲಿ
ಬಹುಶಃ ವಿರಹ ದುರಿಯಿಂದ
ನೀನೇ ಹೊತ್ತಿಸಿದ ವಿರಹದುರಿಯಲಿ
ಮೈಕಾಯಿಸಿ ಕೊಳ್ಳುತ್ತಿದೆ ಈ ಮಾ...ಗಿ ಚಳಿ
ತೆರೆಗೆಸರಿದಾಗ ರವಿ
ಸಮುತ್ಪನ್ನ ವಾದಾಗ ವಿರಹ
ನಿಶಿತವಾಗಿ ಸಮ್ಮೋದ ನಿಕ್ಲೇಷವಾಗಿ
ಪೃಥೆಗಾಗಿ ಹವಣಿಸುತ್ತದೆ ಮನ
ಖಾಲಿಯಾದ ಮನಸಿನಲಿ ಮಾತಿನ ಚಿನಕುರುಳಿ ಮೌನದೊಂದಿಗೆ ರಾಜಿಯಾಗಿ ಬಿಡುತ್ತದೆ
ಬದುಕು ನಿತ್ಯದ ದುಂಡುಮಲ್ಲಿಗೆ
ಹೇಳದೇ ಬರುವ ಸಾವಲ್ಲ ಇಮಾಂ
ಒಮ್ಮೆ ಓರೆನೋಟ ವನ್ನಾದರೂ ಹರಿಸು
