ಕಾವ್ಯ ಸಂಗಾತಿ
ಗಜಲ್
ಬಾಗೇಪಲ್ಲಿ
ನನ್ನೊಂದಿಗೆ ಹಗೆ ಸಾಧಿಸಲಿಕ್ಕಾದರೂಸರಿ ಒಮ್ಮೆ ಬಂದು ಹೋಗು
ಮರುಳುವಾಗ ದುಃಖಿಸುವೆನೆಂದು ಅರಿತಾದರೂಸರಿ ಒಮ್ಮೆ ಬಂದು ಹೋಗು
ಭೂಮಿ ದುಂಡಗಿದ್ದರೂ ಅಗಲಿದ ಪ್ರೇಮಿಗಳ ಭೇಟಿಯು ಬರೀ ಭ್ರಮೆಯದು
ಬುವಿಯಲಿಹ ಹೆಣ್ಣು ಜೀವಿಗಳಲಿ ವಿಶೇಷ ನೀ ಆದರೂಸರಿ ಒಮ್ಮೆ ಬಂದು ಹೋಗು
ಗಂಡಸಿನ ಬಲಹೀನತೆಯೆ ಹೆಣ್ಣೆಂದು ಹೇಳಿಹರು ಬಹಳ ಚಿಂತಕರು ಹಿಂದೆ
ಜಗದಿ ಯಾರಿಗೂ ಋಣ ವಿಲ್ಲದ ಹೆಣ್ಣಾಗಿ ಬಂದರೂಸರಿ ಒಮ್ಮೆ ಬಂದು ಹೋಗು
ಲಕ್ಷ್ಮೀರಮಣ ರಾಧಾಕೃಷ್ಣ ಪಾರ್ವತೀಪತಿ ಜೋಡಿ ಹೆಸರ ಕೇಳಿಹರೆಲ್ಲಾ
ಸರಸ್ವತಿ ಬ್ರಹ್ಮ ಎಂದೆನರು ಏಕೆ ಹೇಳಲಾದರೂಸರಿ ಒಮ್ಮೆ ಬಂದು ಹೋಗು
ಹದಿನಾರು ಸಹಸ್ರ ಗೋಪಿಕೆಯರು ತಡೆದರೂ ತೊರೆದ ಬೃಂದಾವನವ ಕೃಷ್ಣಾ
ಸಾಮಾನ್ಯ ಗಜಲಿಗ ಬೇಡುವೆ ಇಲ್ಲೇ ಇರದಿದ್ದರೂಸರಿ ಒಮ್ಮೆ ಬಂದು ಹೋಗು.
