ಕಾವ್ಯ ಸಂಗಾತಿ
ಗಜಲ್
ಅನಸೂಯ ಜಹಗೀರದಾರ
ನಮ್ಮ ಮಾತು ಎಂದೆಂದಿಗೂ ಮುಗಿಯದಿರಲಿ
ರಸಮಯ ಗಳಿಗೆ ಹೀಗೆ ಮುಂದುವರಿಯಲಿ
ಇದಿರು ಮಾತು ಮನದಲಿ ಹೂತು ಪೆಡಸು ತಂದೀತು
ಸದಾ ಸಾಥ್ ಕೊಡುವ ಅಭಿಮತ ತೀರದಿರಲಿ
ಜೊತೆ ಹೆಜ್ಜೆಯಲ್ಲೂ ತಗ್ಗು ದಿಮ್ಮಿ ನಡೆ ಗೊತ್ತಿದೆ
ನಿಂತು ಸಾವರಿಸಿಕೊಳ್ಳುವ ಪಾದ ನರಳದಿರಲಿ ಎ
ಪ್ರತಿ ತಿಂಗಳು ಕಾಣುವನೆ ಶಶಿಗೂ ಮೋಡ ಮರೆಯಿದೆ
ಮನದ ಮನೆಯ ಚಂದ್ರಿಕೆ ಮಸುಕಾಗದಿರಲಿ
ನಮ್ಮೆಲ್ಲ ಆಸೆ ಫಲಿಸೀತೆ ಈ ಭವದ ಜಂಜಡದಲಿ
ಗೊತ್ತಿದೆ ನಮಗೆ ಈ ಗ್ರಹಿಕೆ ಕೊನೆಯಾಗದಿರಲಿ
ತಮಾಷೆಗೂ ಆಡದಿರು ದೂರ ಸರಿವ ಮಾತನು
ಯಾವ ತೂಫಾನಿಗೂ ಪ್ರೀತಿ ದೋಣಿ ನಿಲ್ಲದಿರಲಿ
ಗಾಳಿ ಜಲ ಬೆಂಕಿ ಭೂಮ್ಯಾಕಾಶ ಅಸ್ತಿತ್ವ ನಾವಲ್ಲವೆ ಅನು
ನಮ್ಮ ಆಸ್ಮಿತೆ ನಮಗೆ ಈ ಗೌರವ ಸ್ಥಿರವಾಗಿರಲಿ
ನಿಮ್ಮ ನಮ್ಮ ಈ ಕನಸುಗಳಿಗೆ ಭಾವನೆಗಳಿಗೆ ಎಂದಿಗೂ ಕೊನೆಯಿಲ್ಲದಿರಲಿ
ಓಹ್..!! ಖುಶಿಯಾಯ್ತು ಮೇಡಮ್.ಧನ್ಯವಾದಗಳು.