ಪ್ರೇಮದ ಹನಿಗಳು
ಎ.ಹೇಮಗಂಗಾ
ಯಾವ ಆಚರಣೆಯೂ
ನಮ್ಮ ಪ್ರೇಮಕ್ಕೆ ಬೇಕಿಲ್ಲ
ಕಾರಣ, ನಾನೂ ನೀನೂ
ಪ್ರೇಮಿಸದ ದಿನವೇ ಇಲ್ಲ !
ಆದ ನನ್ನ ಇನಿಯ
ನೊಂದ ಬಾಳಿಗೆ ಒತ್ತಾಸೆ
ನನಗೋ ಅವನ ಕೆನ್ನೆಗೆ
ಕೆನ್ನೆ ಒತ್ತುವ ಆಸೆ !
ಸ್ವಭಾವದಲ್ಲಿ ನನ್ನ ನಲ್ಲ
ನಿಜಕ್ಕೂ ವಾಚಾಳಿ
ಬಿಡುವುದಿಲ್ಲ ಪರಿಪರಿಯಾಗಿ
ನನ್ನ ಕಾಡಿಸುವ ಚಾಳಿ
ಹೆದರುವುದಿಲ್ಲ ನಾನು
ದಿನವೂ ಬರುವ ಇರುಳಿಗೆ
ಇದೆಯಲ್ಲಾ ಪ್ರಿಯಸಖನ
ಕಣ್ಬೆಳಕಿನ ದೀವಿಗೆ !
ಬೇಕಿಲ್ಲ ನನಗೆಂದಿಗೂ
ಮಧುಶಾಲೆಯ ಮಧುಪಾತ್ರೆ
ನೀಡು ಕೊನೆತನಕ ನಿನ್ನಧರದ
ಮಧುವಿನ ಅಕ್ಷಯಪಾತ್ರೆ !
*******
