ನನ್ನ ಕನಸಿನ ಹುಡುಗಿಗೆ ಒಂದು ಕವಿತೆ
ಮೂಗಪ್ಪ ಗಾಳೇರ
ನನ್ನ ಕನಸಿನ ಹುಡುಗಿಗೆ ಒಂದು ಕವಿತೆ
ನನ್ನೆಲ್ಲಾ ಒಂದೊಂದು ಕನಸುಗಳಿಗೆ
ಬಣ್ಣ ಹಚ್ಚಿದವಳು ನೀನು
ರೆಕ್ಕೆಪುಕ್ಕ ಕಟ್ಟಿದವಳು ನೀನು
ಆ ಕನಸುಗಳಿಗೆ ಜೀವ ತುಂಬಿದ
ರಮಣೀಯ ಕಾಮ ದೇವಿಯ ಪುತ್ರಿ ನೀನು
ನಿನ್ನ ಕಂಡೊಡನೆ
ನನ್ನ ಹೃದಯದ ಇಂಚರದ ಮೇಳ
ತಾನು ತಾನಾಗಿ ನುಡಿಯದೆ
ಹೊಸದೊಂದು
ಸಂಗೀತ ಸ್ವರ ಲೋಕ ಸೃಷ್ಟಿಸುತ್ತದೆ
ನಿನ್ನ ಮಾತುಗಳೆಲ್ಲವು
ಒಂದೊಂದು ಬಾರಿ
ಅದೆಂತಾ ಮೌನ ಲೋಕ ಸೃಷ್ಟಿಸುತ್ತವೆ
ಆ ಲೋಕದಲ್ಲಿ
ಹೃದಯದ ನಾದವೊಂದೆ ಮಾತಾಗಿರುತ್ತದೆ
ಅಂತ ಚೆಲುವು ನನ್ನುಡುಗಿ
ಎಂದೆಳಲು ನನ್ನ ಕವನ ಮಿಡಿಯುತಿದೆ
ಕನಸಲ್ಲಿ ಹೃದಯ ಕದಿಯುವ
ಆ ನನ್ನ ಪ್ರೇಮ ಕಳ್ಳಿಗೆ
ಪ್ರೇಮಿಗಳ ದಿನದ ಶುಭಾಶಯಗಳು
**********
