ಕಾವ್ಯಸಂಗಾತಿ
ಗಜಲ್
ಮಂಡಲಗಿರಿ ಪ್ರಸನ್ನ
ಚಿಂತಕರ ತತ್ವಗಳನು ತಿಳಿಸುವರೆಲ್ಲರು ಪಾಲಿಸುವವರಾರು
ಆದರ್ಶ ಬದುಕು ಮಾತಾಡುವರೆಲ್ಲರು ಪಾಲಿಸುವವರಾರು
ಜಗದ ತುಂಬಾ ಶಾಂತಿ ಸೌಹಾರ್ದತೆಯ ಬೊಗಳೆಗಳ ಕಂತೆ
ಬುದ್ಧನ ನೀತಿಗಳ ತೇಲಿಬಿಡುವರೆಲ್ಲರು ಪಾಲಿಸುವವರಾರು
ಆಚಾರ ಅನಾಚಾರಗಳು ದಿನಬೆಳಗಾದರೆ ಮೋಡಕಟ್ಟುತ್ತವೆ
ಬಸವಣ್ಣನ ವಿಚಾರಗಳ ಹೇಳುವರೆಲ್ಲರು ಪಾಲಿಸುವವರಾರು
ಗುಲಾಮಗಿರಿ ಕಿತ್ತೆಸೆಯಲು ಜೀವನವೆ ಸವೆಸಿದ ಧೀಮಂತರು
ನೆಲ್ಸನ್ ಗಾಂಧಿಗಿರಿ ಕೊಂಡಾಡುವರೆಲ್ಲರು ಪಾಲಿಸುವವರಾರು
ಸಮಾನತೆಗೆ ಸಂವಿಧಾನ ಸೃಷ್ಟಿಸಿದ ಮಹಾಮಾನವತಾವಾದಿ
ಅಂಬೇಡ್ಕರ್ ತತ್ವಗಳ ಹೊಗಳುವರೆಲ್ಲರು ಪಾಲಿಸುವವರಾರು
About The Author
