ಕಾವ್ಯಸಂಗಾತಿ
ನಿಲ್ಲ ಬೇಡ
ಆದಪ್ಪ ಹೆಂಬಾ
ಎತ್ತ ಸಾಗುತಿಹುದು
ನಮ್ಮ ಪಯಣ
ಸುತ್ತ ಬೆಳಕಿಹುದು
ಮನಸಲೇನೋ ತಲ್ಲಣ ||
ಭೋಗ ಭಾಗ್ಯಗಳುಂಟು
ಹೊಟ್ಟೆಗೆ ಹಸಿವಿಲ್ಲ
ತಂಪಿಸಿದ ಹವೆಯಂಟು
ತಲೆಯೊಳಗಿನ ಬಿಸಿ ತಣ್ಣಗಾಗುತಿಲ್ಲ ||
ಕಣ್ಣ ಮುಚ್ಚಿದೆ ಹೀಗೆ
ಆಲಿಸುತ ದಾಸ ವಾಣಿ
ತಲ್ಲಣಿಸದಿರು ಕಂಡ್ಯ ತಾಳು ಮನವೇ
ನನ್ನ ಮನವೀಗ ಹಗುರ ಹಗುರ ||
ನಿರೀಕ್ಷೆಗಳ ಮಿತಿ ಇರಲಿ
ಬರುವ ಪರೀಕ್ಷೆಗಳೆಂಥವೊ
ಎಲ್ಲದಕು ಸಿದ್ಧತೆ ಇರಲಿ
ನಾಳೆ ನಿನ್ನದಲ್ಲವೋ ||
ನಾಳೆಯ ಕನಸು ಕಾಣಬೇಡ
ಗತಿಸಿದ ನಿನ್ನೆಯ ಚಿಂತೆ ಬೇಡ
ಇಂದು ಮಾತ್ರ ನಿನ್ನದು ನೋಡ
ಅರಿತು ಮುನ್ನಡೆ ನೀ- ನಿಲ್ಲಬೇಡ ||
About The Author
