ಗಜಲ್

ಗಜಲ್

ಅರುಣಾ ನರೇಂದ್ರ

150 Crying Eyes ideas | crying eyes, eyes, eye art

ಬೇಡ ಬೇಡವೆಂದರೂ ನಾನೇ ಬೇಕೆಂದು ನೋವು ಅಪ್ಪಿಕೊಳ್ಳುತ್ತದೆ
ಬೇಕು ಬೇಕೆಂದರೂ ನಾನು ಬೇಡವೆಂದು ನಲಿವು ಸರಿಸುತ್ತದೆ

ಕೋಡಿಯಾಗಿ ಹರಿದ ಕಣ್ಣೀರಿಗೆ ಬೆಲೆ ಕಟ್ಟಲಾಗದು ಕೇಳು
ಭಂಗ ಪಡಲೆಂದೇ ಬಂದಿರುವೆ ಕತ್ತು ಹಿಡಿದು ಸುಖವು ನೂಕುತ್ತದೆ

ಕತ್ತಲಾದ ಮೇಲೆ ಬೆಳಕಾಗುತ್ತದೆ ನಿಸರ್ಗದ ನಿಯಮ
ಕುತ್ತು ಹೆಗಲೇರಿ ಕೈ ಕೊಟ್ಟು ಸೊಗವು ತಳ್ಳುತ್ತದೆ

ಕಷ್ಟ ಕೋಟಲೆಗಳ ದಾಟಿ ಬಂದಿದ್ದೇನೆಂದು ತಿಳಿದಿರುವೆ
ರಪ್ ಎಂದು ಸಗ್ಗದ ತೆರೆದಿಟ್ಟ ಕದವು ಮುಚ್ಚುತ್ತದೆ

ಮಸಣದಿ ಅರಳಿದ ಹೂವಿಗೂ ಸೂತಕ ತಂದಿಡುತ್ತಾರೆ
ಜಗ್ಗದ ಕುಗ್ಗದ ಅರುಣಾಳ ಕಂಡು ಸಂತಸವು ಬೆಚ್ಚುತ್ತದೆ


Leave a Reply

Back To Top