ಗಜಲ್
ವೈ.ಎಂ.ಯಾಕೊಳ್ಳಿ
ಆಡಬೇಕೆಂದಿರುವ ಮಾತುಗಳ ತುಟಿಯ ಅಂಚಿನಲಿ ಮುಚ್ಚಿ ಹಿಡಿಯದಿರು ಗೆಳತಿ
ಚಲನ ಸ್ಥಿತಿಯೊಳಗಿರುವ ಎದೆಯ ಸ್ತಬ್ಧಗೊಳ್ಳುವಂತೆ ಮಾಡದಿರು ಗೆಳತಿ
ನಿನ್ನ ಉಸಿರ ಪಲಕುಗಳನುಸಿರಾಡಿ ಜೀವಹಿಡಿದಿರುವ ಹೃದಯ ಮರೆಯದಿರು ಗೆಳತಿ
ಕಿವಿಯ ಜುಲುಪಿಗಳ ನಾದವ ಎದೆಗಷ್ಟೆ ಕೇಳಿಸುವಂತೆ ನುಡಿಸಿ ಜಾರದಿರು ಗೆಳತಿ
ನಿನ್ನ ಕಿರಿಗೆಜ್ಜೆ ಪಾದಗಳ ಸಪ್ಪಳವನ್ನ ಕಿವಿಗಳಷ್ಟೇ ಕೇಳು ವಂತಿರು ಗೆಳತಿ
ಒಲವು ಪಲಕುಗಳ ಮಾತುಗಳ ಬೇರೆಯಾರ ಎದೆಗೂ ಕೇಳಿಸದಿರು ಗೆಳತಿ
ಜನುಮಗಳ ನೇಹವಿದು ಈ ಜನುಮಕಷ್ಟೇ ಸೀಮಿತ ಗೊಳಿಸದಿರು ಗೆಳತಿ
ತೀರಲಾರದ ಬಂಧಕ್ಕೆ ಇಹದ ಉತ್ತರವ ಹುಡುಕಿ ಸೋಲದಿರು ಗೆಳತಿ
ಕಾರಣ ಅಕಾರಣಗಳ ನೆವ ಹುಡುಕಿ ವ್ಯರ್ಥಮಾತು ಗಳ ಬಳಸದಿರು ಗೆಳತಿ
ನೂರೆಂಟು ನೆವವಹುಡುಕಿ ದೈವ ಜೊಡಿಸಿದ ‘ಯಯಾ’ ನ ನೇಹವ ಅಲಸದಿರು ಗೆಳತಿ
***********************************
About The Author
