ಹೇಳಿ ಹೋಗು ಕಾರಣ
ಪ್ರಮಿಳಾ ಎಸ್.ಪಿ.
ದಿಂಬಿನ ಕೆಳಗಿನ
ಜಂಗಮ ಗಂಟೆಯನ್ನು
ಮತ್ತೊಮ್ಮೆ ಮಗದೊಮ್ಮೆ
ಹುಡುಕಿ ನೋಡುತ್ತಿದ್ದೆ…..
ಕೆಂಪು ಗುಲಾಬಿ ಅದರ ಮುದ್ರೆ
ಹೃದಯದ ಇಮೇಜು
ಇದ್ದಿರಬಹುದು
ನಿನ್ನ ಕಡೆಯಿಂದ…ಎಂದು!!!
ಈಗೆಲ್ಲವು ಶೂನ್ಯ…
ಅದೆಷ್ಟು ದಿನ ಅಂತರಂಗದ
ಒಡೆನಾಟವಿತ್ತೋ…
ಅಷ್ಟೂ ದಿನ
ನಿನ್ನ ಡಿಪಿ ಗೊಂದು ಬೆಲೆಯಿತ್ತು….
ಈಗ ಕೊನೆಯ ಸೀನ್
ಎಷ್ಟು ಗಂಟೆಗೆ ನೋಡಿರುವೆ…
ಎಂಬುದು ಒಂದೇ ಬಾಕಿ ನನಗೆ…
ಹೇಳಿ ಹೋಗು ಕಾರಣ
ಎನ್ನುವುದಿಲ್ಲ ನಾನು
ಕಾರಣ ಹೇಳದೆ ಬಂದಿದ್ದವನು ನೀನು….!!!
