ಸಾವಿತ್ರಿ

ಕವಿತೆ

ಸಾವಿತ್ರಿ

ಡಾ.ಸುರೇಖಾ ರಾಠೋಡ

ವೀರ ಮಹಿಳೆ ಸಾವಿತ್ರಿ
ಅಕ್ಷರದ ಅವ್ವ ಸಾವಿತ್ರಿ

ಅಕ್ಷರ ಕಲಿಯಲು ಹೊರಾಡಿದ
ಅಕ್ಷರ ಕಲಿಸಲು ಶ್ರಮಿಸಿದ
ವೀರ ಮಹಿಳೆ ಸಾವಿತ್ರಿ

ದಿನ ದಲಿತರ ಶಿಕ್ಷಣಕ್ಕಾಗಿ
ನಿಂದನೆ, ಅಪಮಾನ, ಅವಮಾನಗಳನ್ನು
ಸಹಿಸಿದ ವೀರ ಮಾತೆ ಸಾವಿತ್ರಿ

ಬಡವಬಲ್ಲಿದವರೆನ್ನೆದೆ ಎಲ್ಲರ
ಸೇವೆ ಮಾಡಿದ
ದೇಶದ ಮೊದಲ ಶಿಕ್ಷಕಿ
ಮೊದಲ ಮುಖ್ಯೋಪಾಧ್ಯಾಯಿನಿ
ಸಾವಿತ್ರಿ

ಮಹಿಳಾ ಶಿಕ್ಷಣಕ್ಕಾಗಿ ಜೀವನವನ್ನೇ
ಮುಡುಪಾಗಿಟ್ಟ
ವೀರ ಮಾತೆ ಸಾವಿತ್ರಿ

ಜ್ಯೋತಿ ಬಾ ಪುಲೆಯವರೊಂದಿಗೆ
ಶಾಲೆಗಳನ್ನು ತೆರೆದ ಶಿಕ್ಷಣದಾತೆ
ಸಾವಿತ್ರಿ

ಜನರ ಕೆಂಗಣ್ಣಿಗೆ ಗುರಿಯಾಗಿ
ಸಂಪ್ರದಾಯಸ್ಥರನ್ನು ಎದುರು ಹಾಕಿಕೊಂಡು
ದಿಟ್ಟತನದಿಂದ ಮುಂದೆ ನಡೆದ
ದಿಟ್ಟ ಮಹಿಳೆ ಸಾವಿತ್ರಿ

ಶಾಲಾ ಮಕ್ಕಳ ಬೇಕು ಬೇಡಗಳನ್ನು
ಕುಂದುಕೊರತೆಗಳನ್ನು ನಿಗಿಸಿದ
ಸಹನಾಮಯಿ ಸಾವಿತ್ರಿ

ಶಿಕ್ಷಣದ ಜೊತೆಗೆ
ಜೀವನ ಕೌಶಲ್ಯ ಕಲಿಸಿದ
ಜೀವನವಿಧಾತೆ ಸಾವಿತ್ರಿ

ರೂಢಿ, ಸಂಪ್ರದಾಯ, ಸಮಾಜಿಕರಣದ
ಕಟ್ಟಳೆಗಳನ್ನು ಮುರಿದು ಶವಸಂಸ್ಕಾರವ ಮಾಡಿದ ಧೈರ್ಯವಂತೆ ಸಾವಿತ್ರಿ
ಅಕ್ಷರದವ್ವ ಸಾವಿತ್ರಿ
ಮೊದಲ ಶಿಕ್ಷಕಿ ಸಾವಿತ್ರಿ

***********************