ನನ್ನೆದೆ ಕೋಗಿಲೆ ಕೂಗಿದೆ
ಹೃದಯದ ತುಡಿತವ ಕೇಳದೆ
ಎಲ್ಲಿರುವೆ?  ನೀನೆಲ್ಲಿರುವೆ?
ಗೆಳತಿ ನಿನ್ನೇ ಕಾದಿರುವೆ

ವಸಂತಕ್ಕೆ ವಸುಂಧರೆ
ಹಸನಾಗಿ ಸೂಸುತ್ತಿದೆ
ಸರಸರನೆ ಕೋಕಿಲೆ
ಸೊಗಸಾಗಿ ಹಾಡುತ್ತಿದೆ

ಹಸನಾದ ಸಮಯವು
ಬೆಸುಗೆಗೆ ಸಮ್ಮತಿಸಿದೆ
ನಲ್ಲೇ ಯಾಕೀಗೆ ಕಸರತ್ತು?
ಒಲ್ಲೇ… ಸಾಕಾಗಿದೆ ಬೇಸತ್ತು

ಗೆಳತಿಯ ನನ್ನೊಡತಿಯ
ಬರುವಿಕೆ ನೋಡುತ್ತಿರೇ
ನಿನ್ನ ಅರಿವನ್ನು ಅರಿಯದೇ
ಎನ್ನ ಮನವಿಲ್ಲಿ ಸೊರಗಿದೆ

ತಂಪಾಗಿ ಇಂಪಾಗಿ
ಬೀಸುವ ಗಾಳಿಯೇ
ಒಮ್ಮೆ ನನ್ನವಳ ಸ್ಪರ್ಶಿಸಿ
 ನನ್ನೋಲೆಯಾ ತಿಳಿಸುವೆಯಾ?