ಕಾವ್ಯ ಸಂಗಾತಿ
ಶಿವಕುಮಾರ್ ಕೋಡಿಹಾಳ್
“ಇನಿಯನ ನೆನೆದು”
ಕಾಣದಾಗಿದೆ ದಾರಿ
ಒಲವು ಮೂಡಿಸುವ ಮಲ್ಲಿಗೆಯ ಕಂಪಿನ ವಾಸನೆಯಿಲ್ಲದೆ
ಯಾತಕೀ ಮೌನ
ಹೇಳಲಾಗದೆ ಒದ್ದಾಡಿ
ಬಿಡಲಾಗದೆ ಗುದ್ದಾಡಿ
ಹರಿಯುತಿದೆ ಮನ ನಿನ್ನೊಡನೆ
ದೂರದ ಆಸೆಗಳ ಕನವರಿಕೆ
ಕಾಣದ ಕೈಗಳ ಅಡೆತಡೆ
ಸುಖದ ಅಮಲು ಪಡೆಯುವ ಕಸರತ್ತು
ಅಡ್ಡವಾಗಿವೆ ಹಲವು ಬಿಕ್ಕಟ್ಟು
ಕಾಡುತಿವೆ ನೆನಪುಗಳ ಚೌಕಟ್ಟು
ನಿನ್ನ ಮನದ ಮೌನದ ತಾಕತ್ತು
ಗೊತ್ತಿಲ್ಲ ನನಗೆ ಹಕೀಕತ್ತು
ಜೀವನ ಸಂಗ್ರಾಮದಿ ಬಯಕೆಗಳ ಗುಚ್ಛ ನೂರೆಂಟು
ಈಡೇರಿದ ಆಸೆಗಳ ಕನವರಿಕೆ ಕೆಲವುಂಟು
ಎಲ್ಲವೂ ಆಗುವುದೆನ್ನುವ
ಭ್ರಮೆ ಬೇಡ
ನದಿಯ ಹರಿವಿನಂತೆ
ಶರಧಿಯ ಸೇರಿ ಪಾವನವಾಗು ಪಾವನವಾಗು
ಶಿವಕುಮಾರ ಕೋಡಿಹಾಳ
About The Author
