ನೆಮ್ಮದಿ ಕದಡುವ ಕಲ್ಲನು ಕಟ್ಟಿಕೊಂಡು ಸಾಗರದಲಿ ಈಜುತಿರುವೆ ಗಾಲಿಬ್
ಬಾಳಪಥದಲಿ ಶಾಂತಿಯನು ಹುಡುಕುತ ದಿನಗಳನು ನೂಕುತಿರುವೆ ಗಾಲಿಬ್

ಕಂಬನಿಯ ಕಡಲು ಹಂಚಿದಷ್ಟೂ ಜಿನುಗುವುದೆಂದು ಅರಿವಾಗಿದೆ ಈ ಜೀವಕೆ
ನಾನಿರಲು ನನ್ನ ಹೆಣದ ಭಾರ ನಾನೇ ಹೊತ್ತುಕೊಂಡು ಸಾಗುತಿರುವೆ ಗಾಲಿಬ್

ನಾನು ಕಟ್ಟಿಕೊಂಡ ಬಂದ ಬುತ್ತಿ ನಾನಲ್ಲದೆ ಬೇರೆ ಯಾರು ಉಣ್ಣುವರು ಅಣ್ಣಾ
ರುಚಿ-ಅಭಿರುಚಿಯನು ಸಂಸಾರದ ಮಸಣದಲಿ ದಫನ್ ಮಾಡುತಿರುವೆ ಗಾಲಿಬ್

ನೇಸರ ಮೂಡಲು ಹಿಂದೇಟು ಹಾಕಿದರೂ ಅಪಶ್ರುತಿ ಆಲಾಪವು ತಪ್ಪುವುದಿಲ್ಲ
ನೋವನು ಮರೆಯಲು ಸದಾ ಗಜಲ್ ಗಂಗೆಯಲಿ ಮೀಯುತಿರುವೆ ಗಾಲಿಬ್