ಕಾವ್ಯ ಸಂಗಾತಿ
ಹೊತ್ತು ಸಾಗಿದೆ…….
ನಾಗರಾಜ ಬಿ.ನಾಯ್ಕ
ನೆನಪುಗಳ ರೆಕ್ಕೆಯಲ್ಲಿ
ತೇಲಿ ಹೋಗಿದೆ ಹಕ್ಕಿ
ಗಗನದಾ ತುಂಬಾ
ಅಂತರವಿರದ ಬಂಧದಲಿ
ಮೋಡ ರಾಶಿಯ
ಕನಸು ಹೊತ್ತು ಸಾಗಿದೆ
ಮುಗಿಲ ಮನೆಯ
ಹೊಕ್ಕು ಮೋಡದೊಳಗೆ
ಸಂತಸವ ಸಾರಿ
ಒಲವೆಂಬ ಭರವಸೆಯ
ಹೊತ್ತು ಸಾಗಿದೆ ಗೂಡಿಗೆ
ಕಡಲೆಡೆಗೆ ಮುಖ ಮಾಡಿ
ದೂರದಲಿ ತಾ ತೇಲಿ
ನೀಲಿ ರಾಶಿಯ ನಡುವೆ
ತಾ ಹಾರಿ ಕುಣಿದು
ಹಗುರವಾಗಿದೆ ಮನಸು
ಜಗದ ಒಲವಿಗೆ
ರೆಕ್ಕೆಗಳ ತಾ ಬೀಸಿ
ಸುತ್ತು ಸುತ್ತುಗಳ ಮರೆತು
ಮತ್ತೆ ಸಾಗಿವೆ
ಗಿಡದೆಲೆಯ ಮರೆಗೆ
ಗಾಳಿ ತಂಗಾಳಿ ನಡುವಲ್ಲಿ
ಗೂಡು ಬೆಚ್ಚನೆಯ
ಹೊದಿಕೆಯಲ್ಲಿ
ತಾ ಕುಳಿತು ಹಾಡೊಂದು
ಹಾಡಿದೆ ಒಲವಲ್ಲಿ.…….
ನಾಗರಾಜ ಬಿ.ನಾಯ್ಕ
About The Author
ಚೆನ್ನಾಗಿದೆ…
ಆಶಾವಾದದ, ಸ್ಪೂರ್ತಿ ಉಕ್ಕಿಸುವ ತಾಜಾತನ ಕವನ.ಕುಣಿಸಿದೆ ತನ್ನ.
ಹಕ್ಕಿಯೊಡನೆ ನಮ್ಮ ಮನವೂ ಪ್ರಕೃತಿ ರಮಣೀಯತೆಯಲ್ಲಿ ತೇಲಿದಂತಿದೆ…ಸುಂದರ ಕವನ..