ಸಿದ್ದಲಿಂಗಪ್ಪ ಬೀಳಗಿ ಅವರ ಹಾಯ್ಕುಗಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಸಿದ್ದಲಿಂಗಪ್ಪ ಬೀಳಗಿ

ಹಾಯ್ಕುಗಳು

೧
ಅರೆಬೆತ್ತಲೆ
ನೇಕಾರ; ಊರ ಮಂದಿ
ಮಾನ ಮುಚ್ಚಿದ
೨
ದೇವರಿಗಾಗಿ
ದೇಶ ಸುತ್ತಿದ; ಅವ್ವ
ಮನೆಲಿದ್ದಳು
೩
ಮುತ್ತು ಮಾರುವ
ಅಂಗಡಿ ತುಂಬ; ಬರೀ
ಕೊಡುವವರೆ
೪
ಕಲ್ಲ ನಾಗಕೆ
ಎರೆವ ಹಾಲು; ಭಕ್ತಿ
ನೆಲದ ಪಾಲು
೫
ರಸಿಕತನ
ಇದ್ದರದು; ದಿನವೂ
ಪ್ರಥಮ ರಾತ್ರಿ
೬
ನೆಲ ನಂಬಿದ
ರೈತನಂಗಿ ತುಂಬೆಲ್ಲ
ಸಾಲದ ತೂತು
೭
ದೇವಸ್ಥಾನಕ್ಕೆ
ಹೋದ ಬಹುಮಂದಿಗೆ
ಚಪ್ಪಲಿ ಧ್ಯಾನ
೮
ಮದ್ಯದಂಗಡಿ
ಮುಂದೆ; ದೊಡ್ಡ ಸಾಲದು
ಮಾಲೂ ಸಾಲದು
೯
ಬೆಲ್ಲ ಕೊಡಲು
ಬಂದವನನು ನೋಡಿ
ನಾಚಿತಿರುವೆ
೧೦
ತುಟಿ ಎರಡು
ಮಾಡದವ; ತುಂಬಿದ
ಬಾಯ್ತುಂಬ ಪ್ರೀತಿ