ವಾಣಿ ಭಂಡಾರಿ ಕವಿತೆ -"ಮುಖವಾಡ" - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ವಾಣಿ ಭಂಡಾರಿ ಕವಿತೆ

“ಮುಖವಾಡ”

ಎಲ್ಲ ನೋಯಿಸಿದವರೇ
ಆಗಲೂ ಈಗಲೂ
ಈಗ ಅದೇ ಗಜಡು ಕೈಯಲ್ಲಿ
ಕಣ್ಣೀರು ಒರೆಸಲು
ನಾ ಮುಂದು ತಾ ಮುಂದೆ
ಎಂಬಂತೆ ಮತ್ತೆದೆ‌ ಸೋಗು,,
ಅಲ್ಲೂ ಅವಶ್ಯಕತೆಗಳ ಅಂಬಾರಿ.
ಖಾಲಿ ಕಣಜ ಹೊತ್ತೆ ಬರುವುದು
ಬಂದ ಕೈಗೆ ಮತ್ತೆ ಸುಂಕ ತೆಗೆದು
ಕೊಂಡೆ ಹೊರಡುವ ಯೋಜನೆ.

ಕಣ್ಣೀರು ಒರೆಸುವ ನೆಪವಷ್ಟೆ
ಉತ್ಸವ ಮೂರ್ತಿ ಮಾಡಿ
ಮೆರೆಸುವ ಹುನ್ನಾರ.
ಮತ್ತೆ ಜಗಮಗಿಸುವ
ದೀಪದ ಬೆಳಕಿನಲಿ
ಕತ್ತಲೆಯ ಕಳ್ಳಾಟ‌ಕ್ಕೊಂದಿಷ್ಟು
ಪ್ರೇರಣೆ ದಕ್ಕಿತೆಂಬ
ಮನದ ಹಾಲಾಹಲ.
ಮೆರವಣಿಗೆಯ ಸಡಗರ
ಮುಗಿದ ಮೇಲೆ ನೀರಿನೊಳಗೆ
ಮುಳುಗಿಸುವುದು ಇದ್ದೆ ಇದೆಯಲ್ಲ
ಅನಾದಿಯಿಂದ.