ಕಾವ್ಯ ಸಂಗಾತಿ
ಅನಸೂಯ ಜಹಗೀರದಾರ
ಗಝಲ್
ಆಕೆ ದಾರುಣ ಕಥೆ ಹೇಳಿಯಾಳೆಂದು ನಾಲಿಗೆಯ ತೆಗೆದರು
ವ್ಯಥೆಯ ಘಟನೆ ನೆನಪಿಸಿಕೊಂಡಾಳೆಂದು ಮತ್ತು ಬರಿಸಿದರು
ಕಾಮುಕರ ಸಾಮ್ರಾಜ್ಯದಲಿ ಕ್ರೌರ್ಯ ಕುಹಕಗಳ ಅಟ್ಟಹಾಸವಿದೆ
ಆಕೆ ಜ್ವಲಂತಕೆ ಸಾಕ್ಷಿಯಾದಾಳೆಂದು ಬೆನ್ನು ನರಗಳ ಬಗೆದರು
ಮಾನ ಪ್ರಾಣ ಮುಷ್ಠಿಯಲ್ಲಿ ಹಿಡಿದ ಮಗು ಎಷ್ಟು ನರಳಿರಬೇಕು
ಗಗನ ಮುಟ್ಟುವಂತೆ ಕೂಗಿಯಾಳೆಂದು ದನಿಯ ಅಡಗಿಸಿದರು
ಹೆಣ್ಣೆಂದರೆ ಜೊಲ್ಲು ಸುರಿಸುವ ರಕ್ತ ಪಿಪಾಸುಗಳಿಗೆಲ್ಲಿ ಹೃದಯವಿದೆ
ನಡೆದೋಡಿ ರಕ್ಷಿಸಿಕೊಂಡಾಳೆಂದು ಕಾಲುಗಳ ಕಟ್ಟಿಹಾಕಿದರು
ಜರ್ಝರಿತ ದೇಹ ಮನದಲಿ ನೂರೆಂಟು ಹುಣ್ಣಾದ ಗಾಯಗಳಿವೆ
ಕೈ ಜೋಡಿಸಿ ನ್ಯಾಯಬೇಡಿಯಾಳೆಂದು ಕರಗಳ ಬಂಧಿಸಿದರು
ಅನು ಹೃದಯ ಘಾಸಿಗೊಂಡಿದೆ ಭೂತ ವರ್ತಮಾನದ ತಲ್ಲಣಗಳಲಿ
ಕಣ್ಣಾಲಿ ತುಂಬಿ ನಿಡುಸುಯ್ದಾಳೆಂದು ಉಸಿರು ನಿಲ್ಲಿಸಿದರು
ಅನಸೂಯ ಜಹಗೀರದಾರ
About The Author
ಮಾರ್ಮಿಕವಾದ ಸಾಲುಗಳ ಗಜಲ್ ಮೇಡಂ
Thanks Mam..
ಮನೋಜೢವಾಗಿದೆ
Thanks sir.
ಫೈನ್ ಮೇಡಂ
ಧನ್ಯವಾದಗಳು ಸರ್.
ಹೃದಯ ಸ್ಪರ್ಶಿ ನೋವಿನ ಅನುಭವ
Thanks sir..
Thanks Savitha Mam .
Very touching lines madam…reminds cute & innocent late Soujanya
ಇಂತಹ ಪ್ರಕರಣ ಹಲವಾರು ವರುಷಗಳಿಂದ ನಡೆಯುತ್ತಲೇ ಇವೆ.ಕೊನೆ ಮೊದಲಿಲ್ಲದ ನೋವುಗಳು ..ಗಜಲ್ ಕುರಿತ ಸ್ಪಂದನೆಗೆ ಧನ್ಯವಾದಗಳು ಮೇಡಮ್.