ಕಾವ್ಯ ಸಂಗಾತಿ

ಡಾ ಅನ್ನಪೂರ್ಣ ಹಿರೇಮಠ-

ಗಝಲ್

ಬಚ್ಚಿಟ್ಟ ಸಾವಿರ ನೆನಪು ಪ್ರೀತಿಯಲಿ ಹೇಳುವೆನು ಕಿವಿಯಾಗುವೆಯಾ ಒಡೆಯಾ
ಹುದುಗಿದ ಪ್ರೇಮವ ಎಳೆಎಳೆಯಾಗಿ ಒಪ್ಪಿಸುವೆ ಧನಿಯಾಗುವೆಯಾ ಒಡೆಯಾ/

ಕಣ್ಣಂಚಲಿ ನಿಂದು ತುಳುಕುತಿಹ ನೊಂದ ಕಣ್ಣೀರಿನನಿಗಳು
ವಿರಹ ವೇದನೆಯ ಬಿಚ್ಚಿಡುವೆ ಒಪ್ಪಿಸಿಕೊಳ್ಳುವೆಯಾ ಒಡೆಯಾ//

ಜನುಮ ಜನುಮದ ಪ್ರೀತಿಯಿಂದಾಡಿದ ಪಿಸು ಮಾತುಗಳು
ತುಟಿಯಂಚಲಿ ಮನೆಮಾಡಿಹವು ಜೇನಸವಿಯುತ ತನಿಸುವೆಯಾ ಒಡೆಯಾ//

ಮನವು ತಲ್ಲಣದಿ ಕಂಪಿಸುತಿದೆ ತುಂಬಿ ನಿನ್ನ ನೆನಪುಗಳು
ಹೃದಯದ ಭಾರವಾ ಕೆಳಗಿಳಿಸಲು ಕೈಜೋಡಿಸುವೆಯಾ ಒಡೆಯಾ//

ಮಧು ತುಂಬಿದ ಹೂವಂತೆ ನಿನಗಾಗಿ ಕಾತರಿಸುತಿರುವೆ
ಪರಾಗಗಳ ಸ್ಪರ್ಶಿಸುತಲಿ ಹಿತನೀಡಿ ಮಿಡಿತಗಳ ಮೇಳೈಸುವೆಯಾ ಒಡೆಯಾ//

ಸರಸ ಸಲ್ಲಾಪಕೆ ಹಾತೊರೆಯುತ ಸವಿಗಳಿಗೆಗಳಾ ನಿರೀಕ್ಷೆಗಳಲಿ ಕಾದು
ಕಾತರಿಸುತಿರುವೆ ಪ್ರೀತಿ ಪ್ರಲಾಪದಿ ಒಂದಾಗುವೆಯಾ ಗೆಳೆಯಾ//

ಎದೆಗೊರಗಿ ಅತ್ತು ಅನುಳ ಮನವನು ಹಗುರಾಗಿಸುವ ಗಳಿಗೆಗಳು
ಎದುರು ನೋಡಿ ಸೋತಿದೆ ತೋಳಲಿ ಸೆರೆಯಾಗಿಸಿ ಇಟ್ಟುಕೊಳ್ಳುವೆಯಾ ಗೆಳೆಯ//

ಡಾ ಅನ್ನಪೂರ್ಣ ಹಿರೇಮಠ

About The Author

admin

See author's posts