ಕಾವ್ಯ ಸಂಗಾತಿ
ಇಮಾಮ್ ಮದ್ಗಾರ ಅವರ ಕವಿತೆ-
ಬದುಕು
ಗೊತ್ತಿಲ್ಲದ ಪ್ರಶ್ನೆಗಳಿಗೆ
ಉತ್ತರ ಬರೆಯಬೇಕಂತೆ
ತುಟಿತೆರೆಯದೇ..
ಮಾತಾಡಿ ಮಾತಿನ
ಸೇತುವೆ ಕಟ್ಟಬೇಕಂತೆ !
ಮಗುವಾದಾಗಿನ ಸಂತಸ
ಮರೆಯಾದಾಗಿನ ಸಂಕಟ
ನೆನಪಿಕೊಳ್ಳ ಬಾರದಂತೆ
ನೀರಿಲ್ಲದೇಯೂ ನಿಲ್ಲದೇ
ಈಜಬೇಕಂತೆ !
ಎಕಾಎಕಿ ಕಂಡ ಹಳೆಯ ಪ್ರೇಮಿಯ..
ಕೂಗ ಲಾಗದಿದ್ದರೂ
ಸ್ವಗತದಲ್ಲೇ ಕೂಗಿ
ಕನಸಲ್ಲೇ ರಮಿಸಿ ನಿಟ್ಟುಸುರಿಲ್ಲದೇ ಬದುಕಬೇಕಂತೆ !
ರಾತ್ರಿ ಚಂದ್ರನೊಂದಿಗೆ
ಎದೆಯ ಹಾಡು ಹಂಚಿಕೊಂಡರೆ ಎನಾಯಿತು ?
ಹಗಲು ಸುಡುವ ಸೂರ್ಯ
ನೊಂದಿಗೆ ಕಷ್ಟ ಸುಖಗಳ
ಮಾತಾಡಬೇಕಂತೆ
ಕತ್ತಲೆಯ ಕೊಲ್ಲಲು
ದೀಪ ಹಚ್ಚಿದಾಗ..
ತಾಪ ತಾಕುವದು ಸಹಜವಂತೆ
ನೊಂದ ಮನಸು ಹಸನಾಗಿ
ನಗೆಯ ಕನಸು ನನಸಾಗ ಬೇಕೆಂದರೆ ಸಹನೆ ಬೇಕಂತೆ
ಎಕೇಂದರೇ ಇದೇ
ಬದುಕಂತೆ
ಇಮಾಮ್ ಮದ್ಗಾರ
About The Author
