ಲಕ್ಷ್ಮೀದೇವಿ ಪತ್ತಾರ ಕೆಂಪು ನದಿ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಲಕ್ಷ್ಮೀದೇವಿ ಪತ್ತಾರ

ಕೆಂಪು ನದಿ

ಎಲ್ಲೂ ಕಾಡಿನ ಒಂದು ಮೂಲೆಯಲ್ಲಿ
ಸಣ್ಣ ತೊರೆಯಾಗಿ ಹರಿಯುತ್ತಿದ್ದ ಕ್ರೂರ
ಕೆಂಪು ಹಳದಿ ಮಿಶ್ರಿತ ಝರಿ

ಇಂದು ನದಿಯಾಗಿ ಊರಿನ ಅಂಚಿಗೆ ಬಂದು ತನ್ನ ಹರಿವು ಹೆಚ್ಚಿಸುತ್ತಾ ಹೆಚ್ಚಿಸುತ್ತಾ
ಊರೆಲ್ಲಾ ವ್ಯಾಪಿಸುತ್ತಿದೆ

ಈ ನದಿಯ ನೀರು ಕುಡಿದು ಸಾಧು ಸಾಕು ಪ್ರಾಣಿಗಳು ಕ್ರೂರವಾಗಿ ಹಸುಳೆ, ಅಸಹಾಯಕರನ್ನು ಕಚ್ಚಿ ಕಚ್ಚಿ ತಿನ್ನುತ್ತಿವೆ
ಇನ್ನು ಮನುಷ್ಯರು ಮನುಷ್ಯತ್ವ ಕಳೆದುಕೊಂಡು ಕ್ರೂರ ಮೃಗಗಳಾಗಿದ್ದಾರೆ.

ಮಾನವರಿಗಂತೂ ಈ ನೀರಿನ ರುಚಿ ತುಂಬಾ ಹೆಚ್ಚಿದೆ
ಶುದ್ಧ ಸಾತ್ವಿಕ ಆಹಾರ, ಜೀವ ಜಲದಲ್ಲೂ ಅದರದೇ ಕಲಬೆರಕೆ.‍

ಮುಂದೊಂದು ದಿನ ಈ ಕೆಂಪು ನದಿ ಪ್ರಭಾವದಿಂದ ಊರು ಕಾಡಾಗುತ್ತದೆ
ಕಾಡೆ ಸಭ್ಯರ ಪಾಲಿಗೆ ವಾಸಿ ಎನಿಸಿತ್ತದೆ

ಲಕ್ಷ್ಮೀದೇವಿ ಪತ್ತಾರ