ಕಾವ್ಯ ಸಂಗಾತಿ
ಮಾಲಾ ಚೆಲುವನಹಳ್ಳಿ
ಗಜಲ್
ಭುಗಿಲೆದ್ದ ಧರ್ಮದ ಬೆಂಕಿಯಲ್ಲಿ
ಅಳಿದವರ ಲೆಕ್ಕವಿಲ್ಲ
ಸೊಗವಿರುವ ಮಾನವೀಯ ಧರ್ಮವಿಲ್ಲಿ
ಹಳಿದವರ ಲೆಕ್ಕವಿಲ್ಲ
ವಿಷ ಬೀಜ ಬಿತ್ತುವ ದುರುಳರನಳಿಸಿ
ಸಮಾಜ ಸ್ವಾಸ್ತ್ಯ ಕಾಪಾಡಬೇಕಿದೆ
ಶಿವ,ಏಸು,ಅಲ್ಲಾ ಎಲ್ಲಾ ದೇವರುಗಳ ಮೂಲ
ತಿಳಿಯದವರ ಲೆಕ್ಕವಿಲ್ಲ
ಶತಶತಮಾನಗಳಿಂದ ದ್ವೇಷ, ಅಸೂಯೆ
ಸ್ವಾರ್ಥಿಗಳ ಕ್ರ್ಸ್ಶೌರ್ಯ ಮುಗಿದಿಲ್ಲ
ಪತನವಾಗದಿರುವ ಶೀತಲ ಸಮರಕೆ
ಕೈ ಜೋಡಿಸಿದವರ ಲೆಕ್ಕವಿಲ್ಲ
ಆದಿ ಅಂತ್ಯಗಳ ಕಾಣದೇ ಹಲುಬುತಿರುವುದು
ಮೂಢತನದ ಪರಮಾವಧಿ
ಈ ಧರ್ಮದ ವಿಷಜ್ವಾಲೆಯೊಳಗೆ ಸಿಲುಕಿ
ನಲುಗಿದವರ ಲೆಕ್ಕವಿಲ್ಲ
ಬುದ್ಧನ ಶಾಂತಿ ಮಂತ್ರ ಸಾರ್ವತ್ರಿಕವಾಗಿ
ಹಬ್ಬದಾಗಿದೆ ಮಾಲಾ
ಶುದ್ಧ ಮನದವರ ಶಾಂತಿಯ ಮಂತ್ರವ
ತುಳಿದವರ ಲೆಕ್ಕವಿಲ್ಲ.
ಮಾಲಾ ಚೆಲುವನಹಳ್ಳಿ
About The Author
