ಕಾವ್ಯ ಸಂಗಾತಿ
ರಾಧ.ಎಚ್.ಎಂ.
ತಾಯ್ತನಕ್ಕೆ ನೋವಾದರೆ…
ಮಲೆನಾಡೊ ಮಣಿಪುರವೋ
ಎರಡೂ ಬೇರಲ್ಲ
ಮಳೆಗಾಲಕ್ಕೆ ಜೀವಜಲವಿಲ್ಲ
ಅಪ್ಪನ ಕಣ್ಣಲ್ಲಿ
ಅರಿವೆ ಇಲ್ಲದ ಅರಿವು
ಇದ್ದರೆಷ್ಟು ಸತ್ತರೆಷ್ಟು
ಅಣ್ಣ ತಮ್ಮನಿಗೆ ಜೀವವಿಟ್ಟ
ಅವ್ವನ ಗರ್ಭಗೃಹ ಮಾಡಿದ
ತಪ್ಪಾದರೂ ಏನು?
ನಾಳೆಗಾದರೂ ಈ ಎದೆಹಾಲು
ಬತ್ತಿಹೋಗಿ ಗಂಡೆದೆಗೆ
ಒಡಲ ಹಸಿವು ತಾಕಲಿ ಬಿಡು
ರಕ್ತ ಒಸರಿ ಹಾಲು ಹರಿವ
ನಾಳೆಗಳ ಸಂಕಟಕ್ಕೆ
ಇನ್ಯಾವ ದರ್ದಿದೆ
ಮುಗಿಲ ಮೈ ತೊಳೆವ
ತಾಯ್ತನಕ್ಕೆ ನೋವಾದರೆ
ಇಳೆತೊಯ್ದು ಮುಳುಗಲಿ
ಆತ್ಮದ ಬಯಲೆದುರು
ಬೆತ್ತಲೆ ಶಾಪ ಎಂದರೆ
ಹಾಲು ಹಳ್ಳವಾಗುವುದಲ್ಲ !
ರಾಧ.ಎಚ್.ಎಂ.
About The Author
