ಕಾವ್ಯ ಸಂಗಾತಿ
ಪರಿಮಳ ಐವರ್ನಾಡು ಸುಳ್ಯ
ಹಸಿರ ರೂಪ ರಾಶಿ
ಅದೆಂತಹ ರೂಪ ರಾಶಿ ತಾಯೇ
ನಿನ್ನಯ ಸೌಂದರ್ಯದ ಮಾಯೆ
ಹಸಿರ ಸೊಬಗಿನ ಸಿರಿಯಲಿ
ಸೆರೆ ಹಿಡಿದಿಹೆ ಸೊಬಗಿನಲಿ
ಸಕಲ ಜೀವಿಯು ನಿನ್ನ ಮಡಿಲಲಿ
ಸಾಗುತಿದೆ ಬದುಕು ನಿನ್ನಪ್ಪುಗೆಯಲಿ
ನೀಲ ಆಗಸ ನಿನಗೆ ಪ್ರಿಯತಮನೋ
ಚುಂಬಿಸಲು ಬಳಿಗೆ ಬಂದಿಹನೋ
ಗರಿಬಿಚ್ಚಿ ನಿಂತಿಹ ಕಲ್ಪವೃಕ್ಷಗಳ ಸಾಲು
ಸಾಲದು ಜನುಮ ಅದರಂದವ ಸವಿಯಲು
ಜುಳು ಜುಳು ಹರಿವಳು ಜಲಧಾರೆ
ಪ್ರಕೃತಿ ದೇವಿಯ ವರಧಾರೆ
ಪಚ್ಚೆವರ್ಣದ ಪರಿಸರವೇ
ನಿನ್ನೊಡಲಲಿ ಉಸಿರಾಡುವೆ
ನಮ್ಮಯ ಈ ಅನುಬಂಧಕೆ
ಶರಣಾಗುವೆ ನಿನ್ನ ಪಾದಕೆ
ಪರಿಮಳ ಐವರ್ನಾಡು ಸುಳ್ಯ
ಸುಳ್ಯ ನಿವಾಸಿಯಾದ ಪರಿಮಳ ಎನ್ ಎಂವಿದ್ಯಾರಶ್ಮಿ ವಿದ್ಯಾಲಯ ಸವಣೂರು ಸಹಶಿಕ್ಷಕಿ
ಪುತ್ತೂರು ದಕ್ಷಿಣ ಕನ್ನಡಹವ್ಯಾಸ.. ಕವನ ರಚನೆ, ಕಿರು ಲೇಖನ ಬರೆಯುವುದು ನೃತ್ಯ ಸಂಯೋಜನೆ
About The Author
