ಕಾವ್ಯ ಸಂಗಾತಿ
ಅನ್ನಪೂರ್ಣ ಹಿರೇಮಠ
ಮುಂಗುರುಳ ಮಾಲೆ
ಸೃಷ್ಟಿಸಿರಿ ಮಡಿಲಲಿ
ಭೂತಾಯಿಯ ಒಡಲಲಿ
ನಿಂತ ಆ ಕ್ಷಣದಲಿ
ಬೀಸುವ ಗಾಳಿಗೆ
ಹಾರಾಡೋ ಮುಂಗುರುಳು//
ಗಲ್ಲ ನೇವಸುತ
ಕಣ್ಣ ಕುಲುಕುತ
ಹಣೆಯ ಬೆವರನಿಗೆ
ಜೊತೆ ಜೊತೆಯಾಗಿ
ರವಿಕಿರಣಗಳ ಸೆಳೆಯುತ//
ತಂಬೆಲರ ನಾಚಿಸುತ
ಮುಳುಗೊ ಸೂರ್ಯಕಾಂತಿಯ
ನಿರುಕಿಸುತ ನಿರುಕಿಪಿಸುತ
ಪಡುವಣದಿ ಮುಖ ಮಾಡಿ
ಕಿರುನಗೆಯ ಬೀರುತಿರೆ
ಏನದರ ಬೆಡಗು ಬಿನ್ನಾಣ//
ವೈಯ್ಯಾರದ ಉಡುಗೆ ತೊಟ್ಟ
ಭೂ ರಮೆಯ ಅಂದ ಚಂದ
ಹೊತ್ತು ನಿಂತಿದೆ ಹಚ್ಚಹಸುರಿನ
ಮರಗಳೊಂದಿಗೆ ನಮ್ಮನ್ನೂ
ಹೊತ್ತು,ಮಣ್ಣ ಕಂಪಲಿ
ಬೆರೆತಿತ್ತು ಮರುಳ ಮನ//
ಡಾ ಅನ್ನಪೂರ್ಣ ಹಿರೇಮಠ
About The Author
Soooperb…. Soft lines
ಸೂಪರ್ ಮೇಡಂ
ಸೂಪರ್