ಕಾವ್ಯ ಸಂಗಾತಿ
ಕಾಡಜ್ಜಿ ಮಂಜುನಾಥ
ಅವಳೊಂದು
ಹಗಲಲೂ ಮಿನುಗುವ ತಾರೆ;
ಹೃದಯವ ಕದಿಯುವ ನೀರೆ!!
ಅವಳೊಂದು,
ಪ್ರೀತಿಯ ಹರಿಸುವ ಕಡಲು;
ಕಾರುಣ್ಯವ ಸುರಿಸುವ ಮುಗಿಲು!!
ಅವಳೊಂದು,
ಕಷ್ಟಗಳ ದಹಿಸುವ ಉರುವಲು;
ಖುಷಿಯನು ಬಡಿಸುವ ಮಹಲು!!
ಅವಳೊಂದು,
ಬೆವರಲಿ ಬೇಯುವ ಕಲ್ಲಿದ್ದಿಲು;
ಹಸಿವಲು ನಗುವ ಹೊನಲು!!
ಅವಳೊಂದು,
ತಾಳ್ಮೆಯ ಕಲಿಸುವ ಗುರು;
ತಪ್ಪಿಗೂ ಶಿಕ್ಷಿಸುವ ಸದ್ಗುರು!!
ಅವಳೊಂದು,
ದಬ್ಬಾಳಿಕೆಯ ಎದುರಿಸುವ ಜ್ವಾಲೆ;
ಕ್ಷಮಿಸುವ ಕರುಣೆಯ ಮಾಲೆ!!
ಅವಳೊಂದು,
ಜಗವನು ಸೃಷ್ಟಿಸುವ ತಾಯೆ;
ಮನುಕುಲವ ಕಾಯುವ ಮಾಯೆ!!
———–
About The Author
ಸುಂದರ ಕವನ