ಸುಧಾ ಪಾಟೀಲ ಕವಿತೆ-ಜೀವನ ಚಕ್ರ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಸುಧಾ ಪಾಟೀಲ

ಜೀವನ ಚಕ್ರ

ಜೀವನಚಕ್ರವಿದು
ಸಂಘರ್ಷದ ಹಾದಿಯೊ
ಅರ್ಥಗರ್ಭಿಥವಾದ ಪಯಣವೊ
ಪರಿಜ್ಞಾನವುಳ್ಳ ಬಾಳುವೆಯೊ
ಪರಿಪಕ್ವವಾದ ತಿರುಳೊ

ಜೀವನ ಚಕ್ರವಿದು
ಪರಿಣಿತಿವುಳ್ಳ ಚಲನಶೀಲತೆಯೊ
ಸಂಭ್ರಮಿಸುವ ಸಮಾಗಮವೊ
ವಿಜಯೋತ್ಸವದ ರಣದುಂದುಭಿಯೊ
ಒಂದೂ ಅರಿಯೆ ನಾನು

ಜೀವನ ಚಕ್ರವಿದು
ಅಪರಿಚಿತ ಗಮ್ಯವೊ
ನಲುಮೆಯ ತಾಣವೊ
ಚೇತೋಹಾರಿ ವಿಹಾರವೊ
ನಿಸರ್ಗದತ್ತ ವರವೊ

ಜೀವನ ಚಕ್ರವಿದು
ಸರಿಗಮಪದದ ನಿನಾದವೊ
ಕೌತುಕದ ಸನ್ನಿವೇಶವೊ
ದೇವರು ಕೊಟ್ಟ ದೇಣಿಗೆಯೊ
ಪ್ರಶ್ನೆಗಳು ಪುಟಿದೇಳುತ್ತಿವೆ ಮನದಲ್ಲಿ
ನನ್ನೀ ಹೃದಯದಲ್ಲಿ, ಕನವರಿಕೆಯಲ್ಲಿ
ನನ್ನ ಅಣುಅಣುವಿನಲ್ಲಿ

ಸುಧಾ ಪಾಟೀಲ