ವ್ಯಾಲಂಟೈನ್ ಡೇ
ಪ್ರಭಾವತಿ ಎಸ್ ದೇಸಾಯಿ
ಗಜಲ್
ಯುವ ಜೋಡಿಯ ಮಿಲನಕೆ ಕಾತರಿಸಿದೆ ಈ ಇರುಳು
ರಾತಕಿರಾಣಿ ಘಮ ಅಮಲೇರಿಸಿದೆ ಈ ಇರುಳು
ಬಾನ ಬಯಲಲಿ ಮಿನಗುತಿವೆ ಬೆಳ್ಳಿ ಹೂಗಳು ಅರಳಿ
ಚಕೋರವು ಚಂದಿರನನು ಕಾಯುತಿದೆ ಈ ಇರುಳು
ವಿರಹದ ಕುಲುಮೆಯಲಿ ಬೇಯುತಿವೆ ಒಲಿದ ಜೀವಿಗಳು
ಹೂ ಮಂಚ ಹೃದಯ ಬೆಸೆಯಲು ಕರೆಯುತಿದೆ ಈ ಇರುಳು
ಯೌವನದ ಪ್ರೀತಿಯ ಅಪ್ಪುಗೆಯಲಿ ಬೇಡ ಸೆಡವು
ಒಲವ ಮುತ್ತಿಲ್ಲದೆ ಅಧರ ಬಿರಿದಿದೆ ಈ ಇರುಳು
ಉರಿವ ದೀಪ ಮೋಹಿಸಿ ಕುಣಿಯುತಿವೆ ಪತಂಗಗಳು
ರೆಕ್ಕೆಗಳು ಸುಟ್ಟು ಮೋಹ ಶವವಾಗಿದೆ ಈ ಇರುಳು
ಬೆಳದಿಂಗಳು ಇಳಿದು ಬಂದು ಧಾರಿಣಿಯ ಅಪ್ಪಿದೆ
ಶಯನ ಗೃಹ ನಮಗಾಗಿ ಸಿಂಗರಿಸಿದೆ ಈ ಇರುಳು
ಎದೆಯ ಕದವ ತೆರೆದು ಕಣ್ಣ “ಪ್ರಭೆ” ಯು ಹರಡಿರುವೆ
ಮೆಲು ಹೆಜ್ಜೆಗಳ ಇಡುತ ಬಾ ಜಾರುತಿದೆ ಈ ಇರುಳು
ಪ್ರಭಾವತಿ ಎಸ್ ದೇಸಾಯಿ
About The Author
ಸುಂದರವಾದ ಭಾವಚಿತ್ರದೊಂದಿಗೆ ಸೊಗಸಾಗಿ ಮೂಡಿ ಬಂದ ಪ್ರೇಮಿಗಳ ವಿಶೇಷ ದಿನದ ಈ ಗಜಲ್ ಚೆನ್ನಾಗಿ ಮೂಡಿ ಬಂದಿದೆ.
ಪ್ರೇಮಿಗಳ ದಿನಕೆ ಸೂಕ್ತವಾಗಿ ಮೂಡಿಬಂದಿದೆ ಗಜಲ್, ಅಮ್ಮ
ಪ್ರೇಮಿಗಳ ದಿನಕ್ಕೇ ವಿಶೇಷವಾದ ಗಜಲ್ ಕೊಡಿಗೆ ಅಮ್ಮಾ ಸುಪರ್
ತುಂಬಾ ಮಧುರ ವಾದ ಪ್ರೀತಿಯ ಅಭಿವ್ಯಕ್ತಿ
ಓದುಗರಿಗೆ ಇದರಿಂದ ಲೆ ಒದಗಿ ದೆ ಇನ್ನು ಶಕ್ತಿ