ಕಾವ್ಯ ಸಂಗಾತಿ
ಗಜಲ್
ವಾಣಿ ಯಡಹಳ್ಳಿಮಠ
ನೀ ಅಂದ್ರ ನನಗೇನಂತ
ಹೆಂಗ್ ಹೇಳ್ಲಿ ?
ನೀ ಇಲ್ದ ಹಗಲ , ಹೊಳಪಿಲ್ಲ್ದ ಬೆಳಕಿನಂಗಂತ
ಹೆಂಗ್ ಹೇಳ್ಲಿ ?
ಇದ್ದುದು ಇದ್ದಂಗ ಹೇಳ್ತದ
ಈ ಕನ್ನಡಿ ,
ಇದ್ರಾಗ ನೋಡದಾಗೆಲ್ಲ , ಮುಖ ನಿಂದ್ ಕಾಣಸ್ತದಂತ
ಹೆಂಗ್ ಹೇಳ್ಲಿ ?
ಹೂವಿನಂದ ನೋಡಿ
ಮಂದಿ ಮನ್ಸ್ ಹಸರಾಗ್ತದ
ನೀ ನಕ್ಕಾಗಷ್ಟ , ನಾ ಅರಳತಿನಿಂತ
ಹೆಂಗ್ ಹೇಳ್ಲಿ ?
ಯಾರ್ ಕಷ್ಟ ಯಾರುನೂ ನೋಡ್ದ
ಈ ಜಗದಾಗ ,
ನೋವು ನಿಂಗಾದ್ರ, ಜೀವ ನಂದ್ ಮರಗತೈತಿಂತ
ಹೆಂಗ್ ಹೇಳ್ಲಿ ?
ಅದೆಂತದರ ಪ್ರೀತಿಯದ
‘ವಾಣಿ’ ಇದು
ನಿನ್ ಹೆಸ್ರ ಹೇಳ್ದ ನನ್ ಉಸ್ರಿಲ್ಲಾಂತ
ಹೆಂಗ್ ಹೇಳ್ಲಿ ?
About The Author
