ಯ.ಮಾ.ಯಾಕೊಳ್ಳಿ ಚುಟುಕುಗಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಯ.ಮಾ.ಯಾಕೊಳ್ಳಿ ಚುಟುಕುಗಳು

೧
ಅವ್ವನ ಮಡಿಲು
ಎಂದೆಂದಿಗೂ ಬತ್ತದ
ಒರತೆ,ಮತ್ತೆ ಮತ್ತೆ
ಮೂಡಿ ಬರುವ ಕವಿತೆ
೨
ಬರೆದು ತೀರಿಸಬಹುದೆ
ಹುಚ್ಚು ಕವಿಯೆ ನಿನ್ನ
ಅಕ್ಕರಗಳು
ಅವಳ ತ್ಯಾಗವ
೩
ಒಂದೆ ದಿನ ಮೀಸಲೇ
ಜಗದ ಮೇಲಿನ ಎಲ್ಲ
ದಿನದರ್ಶಿಕೆಗಳ
ಹೆತ್ತ ಆ
ಶಕ್ತಿದೇವತೆಗೆ
೪
ಅವ್ವ ಜಗದ
ಎಲ್ಲ ದೇವತೆಗಳ
ಹೆತ್ತ ಮಡಿಲು
೫.
ಹುಟ್ಟುತ್ರಾ ಮಗು
ಆದವನಿಗೆ ಅವ್ವ
ಬೆಳೆಯುತ್ತಾ
ಮನೆಯೊಳಗಿನ
ಮುದುಕಿಯಾದಳು
೬
ಅವ್ವನ ಕುರಿತು
ಬರೆಯುತ್ತಾ ಹೋದೆ
ಅವಳು ನೆನಪಾದಳು
೭
ಮತ್ತೆ ಮತ್ತೆ ಮೌನಕ್ಕೆ ಜಾರುವ ಅವಳೂ ಅವ್ವನಂತೆಯೆ ಮಾತೊಲ್ಲದವಳು