ಗಝಲ್

ಗಝಲ್

ಸುಜಾತಾ ರವೀಶ್

ತಿಳಿದಷ್ಟು ಸುಲಭವಿಲ್ಲ ಜಗವಿದು ಕನಲುತಿದೆ ಹೃದಯ
ಇಳಿದಷ್ಟು ಹೂಳುತಿರುವ ಕೆಸರಲಿ ಕದಲುತಿದೆ ಹೃದಯ

ಆಪ್ತೇಷ್ಟರ ಬಂಧುಮಿತ್ರರ ಪುರಸ್ಕಾರ ಸಮಯಕೆ ಅನುಸಾರ
ಅನಿಷ್ಟದ ಕಸದ ಹಾಗೆ ತಿರಸ್ಕಾರ ಕಮರುತಿದೆ ಹೃದಯ

ಎಳನೀರ ಸವಿಯಿತ್ತು ಸೊಗವಿತ್ತು ಮನದಲಿ ತಂಪಾಗಿ
ತಿಳಿನೀರ ಬಗೆಯುತ್ತಾ ಬಗ್ಗಡದೆ ಕದಡುತಿದೆ ಹೃದಯ

ವಿಶ್ವಾಸಕ್ಕೆ ಮಾನದಂಡ ಏನೆಂದು ಯಾರಿಗಾದರೂ ಗೊತ್ತೆ
ನಿಶ್ವಾಸದೆ ಕಹಿಯೆಲ್ಲ ಹೊರಸೂಸಿ ಕರಗುತಿದೆ ಹೃದಯ

ಇಂಚಿಂಚೇ ಕುಗ್ಗಿಸುತ ಬಲಹೀನ ಮಾಡುತಲಿದೆ ಲೋಕ
ಪ್ರಪಂಚವೇ ಸಾಕೆನ್ನುವ ಸುಜಿಯನು ಕರೆಯುತಿದೆ ಹೃದಯ

About The Author

admin

See author's posts