ಶ್ರದ್ಧೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಶ್ರದ್ಧೆ

ಎಂ. ಆರ್. ಅನಸೂಯ

keen interest Painting by Nikolai Taidakov | Saatchi Art

ಸ್ಪರ್ಧೆಯಿದ್ದಾಗ ಶ್ರದ್ದೆ
ಹೊರಗಿನದು
ಜಂಗಮದ ಹಾಗೆ ಹೊಕ್ಕಿದ್ದು
ತನುವನಲಂಕರಿಸುವ ವಸ್ತ್ರ
ಬಹಿರ್ಮುಖಿ ನೋಟ
ಗೆಲುವೊಂದೇ ಪ್ರಧಾನ
ಅನ್ಯರ ಮೆಚ್ಚಿಸುವ ಹಂಬಲ
ಗಮ್ಯವೊಂದೇ ಗಮನ
ಗುರಿ ಮುಟ್ಟುವ ತನಕ ಇಲ್ಲದ ಸಾವಧಾನ
ಚಂಚಲವಾಗುವ ಅವಧಾನ
ಗುರಿ ಮುಟ್ಟದ ಮೊಲದ ಓಟ
ಓಡುವಾಗ ಸ್ವಾದಿಸದ ಹಾದಿಯ ಸೊಗಸು

ಸ್ಪರ್ಧೆಯಿಲ್ಲದ ಶ್ರದ್ದೆ
ಒಳಗಿನದು
ಸ್ಥಾವರ ತಾನೆ ಉದ್ಬವಿಸಿದ್ದು
ಮನದೊಳಂಕುರಿಸಿದ ಅಸ್ತ್ರ
ಅಂತರ್ಮುಖಿ ಒಳನೋಟ
ಆತ್ಮ ತೃಪ್ತಿಯ ಸಮಾಧಾನ
ಬದುಕಿನ ನೆಮ್ಮದಿಯ ಸಾಧನ
ಮೇಲಾಟವಿಲ್ಲದ ವ್ಯವಧಾನ
ತೃಪ್ತಿಯಾಗುವ ತನಕ ತಣಿಯದ ಮನ
ಅಚಲವಾಗಿ ನಿಂತ ಮನ
ಗುರಿ ಮುಟ್ಟಿದ ಆಮೆಯ ನಡಿಗೆ
ನಡಿಗೆಯಲಿ ಸ್ವಾದಿಸಿದ ಹಾದಿಯ ಸೊಗಸು

*************************