ಗಜಲ್ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಗಜಲ್

ಶಶಿಕಾಂತೆ

ಸಂಜೆಯನ್ನು ಸರಿಸಿ ಇರುಳು ಕಾಲಿಟ್ಟಿದೆ‌ ತಡಮಾಡಬೇಡ ಸಖಿ
ಜಾಜಿಹೂ ನಮಗಾಗಿ ಘಮಲು ಹರಡಿದೆ ತಡಮಾಡಬೇಡ ಸಖಿ

ನನ್ನಂತರಂಗದಲ್ಲಿ ನಿನ್ನ ರತಿರೂಪ ತುಂಬಿ ಕಾಡುತಿದೆ
ನಿನ್ನ ಕಣ್ಣಲಿ ನನ್ನನ್ನೆ ಕಾಣ ಬೇಕೆನಿಸಿದೆ ತಡಮಾಡಬೇಡ ಸಖಿ

ನಿನ್ನ ಅಪರೂಪದ ಮುಗುಳ್ನಗೆ ನನ್ನನು ಮರುಳುಮಾಡಿದೆ
ನಿನ್ನ ನಗುವ ನಶೆಯಲಿ ನಾ ತೇಲಬೇಕಿದೆ ತಡಮಾಡಬೇಡ ಸಖಿ

ಕಣ್ಮುಚ್ಚಿ ನನ್ನರಸಿಯ ಧ್ಯಾನಿಸಿ ಹೃದಯ ಪುಳಕಗೊಂಡಿದೆ
ತುಟಿಗಳು ನಿನ್ನ ಪ್ರೀತಿಮುದ್ರೆ ಬಯಸಿದೆ ತಡಮಾಡಬೇಡ ಸಖಿ

ಶಶಿ ಮೋಡದಲ್ಲಿ ಮರೆಯಾಗುವುದಕ್ಕೆ ಮನ ಕಾಯುತಿದೆ
ತನುಮನ ಬೆಸೆದು ಜಗ ಮರೆಯಬೇಕಿದೆ ತಡಮಾಡಬೇಡ ಸಖಿ

***********************************************