ಕವಿತೆ
ಅನುಬಂಧ
ಅಕ್ಷತಾ ಜಗದೀಶ
ಆ ನೀಲಿ ಆಗಸದಿ ಚಿತ್ತಾರ ಮೂಡಿಸಲೇನು…..
ಮೌನದಲಿ ಅಡಗಿದ ಭಾವನೆಗಳ
ಮಾತಿನಲ್ಲಿ ಬಹಿರಂಗ ಪಡಿಸಲೇನು….
ಎಲ್ಲಾ ಆಸೆಗಳ , ಎಲ್ಲಾ ಕನಸುಗಳ
ಎಲ್ಲೆಲ್ಲೂ ಓಡುವ ಮನದೊಳಗೆ
ಬಂಧಿಸಿರುವೇ ಈಗ……
ಬರೆವ ಕವಿತೆಯೋಳಗೆ
ಮನದ ಮಾತು ಕುಣಿದಾಡಿ…
ಪದಗಳೊಡನೆ ಪುಟಿದೆದ್ದು
ರಾಗದಲಿ ಬೆರೆತು ಅರಳಿದಾಗ..
ಆಹಾ ಸಂತೋಷವೇ…!
ಎಂಥಹ ಆಹ್ಲಾದವು..
ಚೂರು ಪ್ರೀತಿ ಭಾವದೊಳು ಬೆರೆತಾಗ
ಸುಂದರ ಬಾಳಿನ ಪ್ರಾರಂಭ ಆಗ..
ಇರಲೀ ಹೀಗೆ ಈ ಬಂಧ..
ಮರೆಯಲಾರದ ಅನುಬಂಧ.
*************************
About The Author
