ಕವಿತೆ
ಹೇಗೆ ಉಸಿರಾಗಲಿ
ಲಕ್ಷ್ಮೀ ಪಾಟೀಲ್
ಹಾಡಿಗೆ ನಿಲುಕದ ಕವಿತೆಗಳಿವು
ಭಾವ ರಾಗದ ಕೊಂಡಿ ಎಲ್ಲಿ ಜೋಡಿಸಲಿ
ಸತ್ತಂತೆ ಸುಪ್ತಬಿದ್ದಭಾವಗಳಿವು
ತಾಳ ಮೇಳ ಲಯಗಳಹೇಗೆ ಮೀಟಲಿ
ಗಂಡಿನ ಅಟ್ಟಹಾಸ ಹಿಸುಕುವಕವಿತೆಗಳಿವು
ಹೆಣ್ಣಿನ ಕೋಮಲ ಎಲ್ಲಿ ಚಿತ್ರಿಸಲಿ
ಕಾವ್ಯದ ಮಾಧುರ್ಯ ನಲುಗಿಸುವಕವಿತೆಗಳಿವು
ಮುದದ ನಂದನವನ ಎಲ್ಲಿ ತೋರಿಸಲಿ
ಅಂತೆ ಕಂತೆಗಳಲಿ ನಿತ್ಯ ರೋದಿಸುವಳೀಕವಿತೆ
ಭಾವ ಬದಲಿಸಿಭಾವವೀಣೆಎಲ್ಲಿ ನುಡಿಸಲಿ
ಆಕ್ಸಿಜನ್ನಳಿಕೆ ಕಟ್ಟಿಕೊಂಡು ತೀವ್ರನಿಗಾ
ಘಟಕದಲ್ಲಿ ನನ್ನ ಕವಿತೆಗಳು
ನಾನೇ ಹಾಡಾದಹಾಡಿಗೆ ಹೇಗೆ ಉಸಿರಾಗಲಿ
***************************************
About The Author
ಕೊನೆಯ ಸಾಲುಗಳು ತೀವ್ರಹತಾಶ ಭಾವನೆಗಳನ್ನು ಹೊರಹಾಕುತ್ತ ಕವಿತೆಗೆ ಇನ್ನಷ್ಟು ಒತ್ತು ಕೊಡಿತ್ತಿವೆ.
ಧನ್ಯವಾದಗಳು ಸರ್