ಮೌನ ಭಾಷೆ
ಸರೋಜಾ ಶ್ರೀಕಾಂತ್
ಅದಾವುದೋ ದೂರದ ಭಾವಗಳೂರಿಗೆ
ಬರಸೆಳೆದ ಗಳಿಗೆಯಲ್ಲೇ..!
ಮತ್ತಾವುದೂ ನೆನಪಾಗದಂತೆ ಮರೆಸಿ
ಕಾಡಿದವನು ಕ್ಷಣದಲ್ಲೇ..!!
ತಣ್ಣನೆಯ ತಂಗಾಳಿಯಲ್ಲೂ ನುಸುಳಿ
ನಸು ನಾಚಿಸಿದವನಿವನೆ..!
ಹೊಂಬಿಸಿಲಿನ ಹೊನ್ನ ರಶ್ಮಿಯಲ್ಲೂ
ತುಸು ಸಂಚರಿಸಿದವನಿವನೇ..!!
ಹಸಿರಸಿರಿನ ತುಂತುರು ಹನಿ ಹನಿಯಲ್ಲೂ ನಿನ್ನಿರುವಿನ ರೋಮಾಂಚನ..!
ಅರಳಿದ ಸುಮದೊಳಗಿನ ಘಮವೂ ನಿನ್ನರಿವಿನ ಅನಾವರಣ..!!
ಸ್ಪರ್ಶದುಸಿರಿಗೆ ಸಂಪ್ರೀತಿಯ ಹೂಬಾಣ ಬಿಟ್ಟು ಪ್ರೇಮದ ಹೆಸರಿಟ್ಟವ ನೀನೆ..!
ಮೊದಲೊಲವಿನ ಮೌನ ಭಾಷೆಗೆ ಮರುಧ್ವನಿಯ ಮಾತು ಶುರು ನಿನ್ನಿಂದಲೇ..!!
*********
About The Author
Nice