ದೇವರ ದೇವ
ಅಂಜನಾ ಹೆಗಡೆ
ಕಾಲ ಎಲ್ಲವನ್ನೂ ಮರೆಸುತ್ತದೆ
ಎಂದವ
ಕಾಲಕ್ಕೆ ಕಿವುಡಾಗಿ
ಕಣ್ಣುಮುಚ್ಚಿ
ಉಟ್ಟಬಟ್ಟೆಯಲ್ಲೇ
ಧ್ಯಾನಕ್ಕೆ ಕುಳಿತಿದ್ದಾನೆ
ತಂಬೂರಿ ಹಿಡಿದು
ತಂತಿಗಳ ಮೇಲೆ ಬೆರಳಾಡಿಸುತ್ತ
ಶ್ರುತಿ ಹಿಡಿಯುತ್ತಾನೆ
ಬೆರಳಲ್ಲಿ ಹುಟ್ಟಿದ
ಬೆಳಕಿನ ಕಿರಣವೊಂದು
ನರಗಳಗುಂಟ ಹರಿದು
ಬೆಂಕಿಯಾಗಿ ಮೈಗೇರಿದೆ
ಉಸಿರೆಳೆದುಕೊಳ್ಳುತ್ತಾನೆ
ದೇವರ ಗೆಟಪ್ಪಿನಲ್ಲಿ
ಕಾಲಮೇಲೆ ಕೈಯೂರಿದ್ದಾನೆ
ಕಪ್ಪು ಫ್ರೆಮಿನ
ದಪ್ಪಗಾಜಿನ ಕನ್ನಡಕ
ರೂಪಕವಾಗಿ
ಮುಚ್ಚಿದ ಕಿವಿಯ ಮೇಲೆ
ಬೆಚ್ಚಗೆ ಕೂತಿದೆ
ಕೈಗೆ ಸಿಗದ
ಕಣ್ಣಿಗೆ ಕಾಣಿಸದ
ಶಬ್ದ ಹಿಡಿಯಲು ಕುಳಿತವನ
ಮೈಯೆಲ್ಲ ಕಣ್ಣು….
ಮುಚ್ಚಿದ ಕಣ್ಣೊಳಗೊಂದು ರಾಗ
ತೆರೆದರೆ ಇನ್ಯಾವುದೋ ತಾಳ
ಮೈಮರೆಯುತ್ತಾನೆ
ರೆಪ್ಪೆಗೊತ್ತಿದ ತುಟಿಗಳನ್ನು
ಧಿಕ್ಕರಿಸಿದವನ
ಹಣೆಮೇಲಿಂದ ಬೆವರಹನಿಯೊಂದು
ಲಯತಪ್ಪದಂತೆ
ಮುತ್ತಾಗಿ ತುಟಿಗಿಳಿದಿದೆ
ಕಾಲವನ್ನೇ ಮರೆಯುತ್ತಾನೆ
ಕಾಲವನ್ನು ಮರೆಸುವವ
ಕಳಚಿಕೊಂಡ ಕಣ್ಣರೆಪ್ಪೆಯೊಂದು
ಧ್ಯಾನ ಮರೆತಿದೆ
********************************
About The Author
ಕವಿತೆಯಲ್ಲಿ ನೀವು ಕಂಡಿರುವ ಅನುಭವ ತುಂಬಾ ಚೆನ್ನಾಗಿದೆ. ಕಳಚಿಕೊಂಡ ಕಣ್ಣರೆಪ್ಪೆಯೊಂದು ಧ್ಯಾನ ಮರೆತಿದ್ದ ಎಂಬ ಸಾಲು ವಿಶೇಷವಾಗಿದೆ.
ದನ್ಯವಾದಗಳು ಸರ್
ದನ್ಯವಾದಗಳು ಸರ್,ಅಂಜನಾರವರ ಪರವಾಗಿ.ಅವರಿಗೆ ಕಮೆಂಟ್ ಮಾಡಲು ಸಾದ್ಯವಾಗ್ತಿಲ್ಲ
ದನ್ಯವಾದ ಸರ್
Chendide kavite anjana
ಥಾಂಕ್ಸ್ ಸ್ಮಿತಾ !!!
Nice one madam
Thank You ದಾಕ್ಷಾಯಿಣಿ
ಧ್ಯಾನವೋ… ದ್ಯಾನದೊಳಗೆ ಪರಧ್ಯಾನವೋ…
ಕಾಲವನ್ನು ನೆಚ್ಚಿಕೊಂಡವನಿಗೆ ಅದಿನ್ಯಾವ ಧ್ಯಾನ ಸಾಧ್ಯವಾದೀತು ಬಿಡಿ !!!
ಚೆನ್ನಾಗಿದೆ..
ಥಾಂಕ್ಸ್ ಶ್ರುತಿ !!!
ಅಂಜನಾ ಬಹಳ ಚನ್ನಾಗಿದೆ.ಇಷ್ಟವಾಯ್ತು