ಜಬೀವುಲ್ಲಾ ಎಮ್. ಅಸದ್ ಕವಿತೆ ಖಜಾನೆ
ಹುಡುಕಾಟ ಅವನನ್ನು ಹುಡುಕುತ್ತಿದ್ದೆನಿತ್ಯ ನಿರಂತರವಾಗಿಅವನಿಗಾಗಿ ಹಂಬಲಿಸುತ್ತಿದ್ದೆಅವನು ಕಾಣದೆ ಕೊರಗಿ ಹೋದಲ್ಲೆಲ್ಲ, ಬಂದಲ್ಲೆಲ್ಲಎಲ್ಲಿಯೂ ಇರುವಿಕೆಯಕುರುಹು ಕಾಣಲಿಲ್ಲಹುಡುಕುವಲ್ಲೆಲ್ಲಅವನು ಸಿಗಲೇ ಇಲ್ಲಬಹುಶಃ ಅಲ್ಲೆಲ್ಲ ಇರಲೇ ಇಲ್ಲ ಆದರೂ ಹುಡುಕ ಹೊರಟೆಮಸೀದಿ, ಮಂದಿರ,ಇಗರ್ಜಿಗಳ ಒಳಗೆಬೆಟ್ಟದ ಶಿಖರದ ತುತ್ತ ತುದಿಯ ಮೇಲೆಗುಹೆ, ಕಣಿವೆ, ಕಂದರಗಳ ನಡುವೆಹಿಮದ ಹರಳಲ್ಲೂಮರಳ ಕಣಕಣದಲ್ಲೂನದಿಯ ಅಲೆಗಳಲ್ಲಿಕಡಲ ಕಿನಾರೆಯಲ್ಲಿಮುಗಿಲ ಮಾರುತದಲ್ಲಿಹೊರಗೆಲ್ಲಿಯೂ ಅವನಅಸ್ತಿತ್ವ ಕಾಣದಾದೆ ಒಂದೆಡೆ ಕುಳಿತೆಬುದ್ದನಂತಾಗಿಮಾಯೆಯ ಲೋಕದಹೊರ ಕಣ್ಣು ಮುಚ್ಚಿದೆಒಳ ಅರಿವಿನ ಕಣ್ಣು ತೆರೆದೆನನ್ನ ಅಂತರಂಗದೊಳಗೆ ಇಣುಕಿದೆಅವನನ್ನು ಶೋಧಿಸಿದೆಬೆಳಕೊಂದನು ಕಂಡೆಎಲ್ಲೂ ಕಾಣದ ಅವನನನ್ನೊಳಗೆ ನಾ ಕಂಡುಪಾವನನಾದೆ ನಿಜ!ಅವನು ಎಲ್ಲೆಡೆಯೂ ಇದ್ದ,ಇದ್ದಾನೆ ಮತ್ತು ಇರುತ್ತಾನೆಅಣು ರೇಣು ತೃಣಕಾಷ್ಠಗಳಲ್ಲಿಇದ್ದೂ ಇಲ್ಲದಂತಾಗಿ ಸದಾ… ಸರ್ವದಾ…ಅವನಕಾಣುವ ಕಣ್ಣುಕುರುಡಾಗಿರ ಬಾರದಷ್ಟ ***************** ಪ್ರೀತಿ ಹಂಚುತ ಸಾಗು ಮೋಜಿನ ಕುದುರೆ ಏರಿಮನಸು ಹೊರಟಿದೆ ಸವಾರಿಕಾಣದೂರಿಗೆ ಯಾವ ದಾರಿ?ಕಾಣಿಸು ಪ್ರಭುವೆ ಒಂದು ಸಾರಿತಂದಾನ ತಾsನನ… ತಾನೇ ತಂದಾsನ… ಕಂಡದ್ದು ತಪ್ಪಿಲ್ಲಿಕಾಣದ್ದೆ ಸರಿ ಇಲ್ಲಿಕಂಡು ಕಾಣದ ಆಟಕೆದೇವನೆ ಮೂಕ ಸಾಕ್ಷಿ ಇಲ್ಲಿತಂದಾನ ತಾsನನ… ತಾನೇ ತಂದಾsನ… ಒಳಗೊಂದು ಹೊರಗೊಂದುಮುಖವೊಂದು ಮುಖವಾಡ ಹಲವುನೀತಿವಂತರಿಗಿದು ಕಾಲವಲ್ಲಸುಳ್ಳೆ ಸತ್ಯವಿಲ್ಲಿ, ಈ ಕಲಿಗಾಲದಲ್ಲಿತಂದಾನ ತಾsನನ… ತಾನೇ ತಂದಾsನ… ಎಷ್ಟು ಉಂಡರೂ ಹಸಿವಿಲ್ಲಿಉಟ್ಟರೂ ಬೆತ್ತಲೆಯೇಆಲಯದ ದಾಸರೆ ಎಲ್ಲಾಬಯಲಾಗುವವರಾರಿಲ್ಲವಲ್ಲತಂದಾನ ತಾsನನ… ತಾನೇ ತಂದಾsನ… ಬದುಕಿಗೆ ಕಷ್ಟ ನೂರುಹಲವು ಬಂಧಗಳ ತೇರುಸಂಕೋಲೆ ಬಿಡಿಸಿ ಹಕ್ಕಿಯಾಗಿ ಹಾರುಅನುಭವದಿ ಮಾಗಿ ಹಣ್ಣಾಗುತಂದಾನ ತಾsನನ… ತಾನೇ ತಂದಾsನ… ಬಿಸಿಲಿಗೆ ನೆರಳಿಲ್ಲಿನೆರಳಿಗೂ ಸಾವಿಲ್ಲಿಯಾವ ಜಾತಿ, ಯಾವ ಧರ್ಮಮನುಜರೆಲ್ಲರೂ ಒಂದೇ ಜಗದಲ್ಲಿತಂದಾನ ತಾsನನ… ತಾನೇ ತಂದಾsನ… ಕೊರಳಿಗೆ ಹಾಡುಕೊಳಲಿನ ಜಾಡುಜೀವ ಮರಳಿ ಮಣ್ಣಿಗೇನೆಪ್ರೀತಿ ಹಂಚುತ ಸಾಗುತಂದಾನ ತಾsನನ… ತಾನೇ ತಂದಾsನ… ******* ಕತ್ತಲ ನೆರಳು ಕಿಟಕಿಯ ಆಚೆ ನೋಡುತ್ತೇನೆಅಲ್ಲೊಂದು ಬಣ್ಣದ ಚಿತ್ತಾರದ ಚಿಟ್ಟೆಚಂಚಲವಾಗಿ ಹಾರುತ್ತಿದೆಅರಳಿ ನಗುವ ಹೂಗಳ ಮೇಲೆನನ್ನ ಮನಸ್ಸಿನ ರೂಪಕವಾಗಿ ಕಾಣದ ಲೋಕವೊಂದುಕರಬೀಸಿ ಕರೆಯುತ್ತಿದೆಹಕ್ಕಿಯಾಗಿ ರೆಕ್ಕೆ ಹರಡಿಹಾರಿ ಬಾ ಎಂದುಉಳಿದಿರುವೆ ಬಂಧಿಯಾಗಿ ಕವಾಯತ್ತು ನಡೆಸಿವೆ ನೆನಪುಗಳುಕನಸುಗಳ ಜೊತೆಗೂಡಿಮಸ್ತಕದಲ್ಲಿ ಒನಕೆ ಕುಟ್ಟುವ ಶಬ್ಧಬದುಕಿರುವೆ ಸಾವಾಗಿ ಸುತ್ತಮುತ್ತಲೂ, ಎತ್ತಲೂಪ್ರಶ್ನೆಗಳು ಕಾಡುತ್ತಿವೆಉತ್ತರ ಕಾಣದೆಬೆಳಕಿನ ನೆರವು ಪಡೆದುಕತ್ತಲ ನೆರಳಾಗಿ ವಿಧಿ ಮಲಗಿದೆಕಾಲು ಚಾಚಿ ಹಾಸಿಗೆಯಲ್ಲಿಭವಿಷ್ಯದ ಭಯವಾಗಿವಾಸ್ತವದ ಖಯಾಲಿನಲಿಕಡು ವೈರಿಯಾಗಿ ಜಬೀವುಲ್ಲಾ ಎಮ್. ಅಸದ್
ಜಬೀವುಲ್ಲಾ ಎಮ್. ಅಸದ್ ಕವಿತೆ ಖಜಾನೆ Read Post »
