ಗಝಲ್
ರೇಷ್ಮಾ ಕಂದಕೂರ.
ಹಸಿವಿನಿಂದ ಕಂಗೆಟ್ಟವರ ತೊಳಲಾಟ ನೋಡದಾಗಿದೆ
ಕೃಶ ದೇಹದ ಅಧೋಗತಿಯ ಪರಿಸ್ಥಿತಿ ನೋಡದಾಗಿದೆ
ಕಮರಿದೆ ಭರವಸೆಯ ಬೆಳಕು ಮಂದಾಗ್ನಿಯಲಿ
ಹಣೆಬರಹದ ಕ್ರೂರತನ ಮದವೇರಿದನು ನೋಡದಾಗಿದೆ
ತುತ್ತಿನ ಚೀಲ ತುಂಬಿಸಲು ಕಗ್ಗಂಟಾಗಿ ಹೋಗಿದೆ
ಆ ದೇವನ ದೂಷಿಸತ ದಿನ ದೂಡುವದನು ನೋಡದಾಗಿದೆ
ತಿಂದು ತೇಗಿ ಬಿಸಾಕುವ ಜನಕೆ ತಿಳಿಯಬಾರದೇ
ಕೊಳ್ಳುಬಾಕ ಮನೋಭಾವದಿ ಮೆರೆಯುವವರ ನೋಡದಾಗಿದೆ
ಪರಿಹಾರಕೆ ರೇಷಿಮೆಯ ಮನ ಮರುಗಿ ತಡಕಾಡಿದೆ
ಪಿಷ್ಟ ಹೊತ್ತು ಕುಚೇಷ್ಟೆ ಮಾಡುವವರ ನೋಡದಾಗಿದೆ.
****************************
ಮೇಡಂ, ಅನ್ಯಥಾ ಭಾವಿಸಬೇಡಿ. ಇದು ತಾಂತ್ರಿಕವಾಗಿ ಗಜಲ್ ಆಗಿಲ್ಲ. ಇದರಲ್ಲಿ ಕಾಫಿಯಾ ಪಾಲನೆಯಾಗಿಲ್ಲ. ಕಾಫಿಯಾ ಇಲ್ಲದೇ ಗಜಲ್ ಗಳಿಲ್ಲ.
ಮೇಡಂ, ಅನ್ಯಥಾ ಭಾವಿಸಬೇಡಿ. ಇದು ತಾಂತ್ರಿಕವಾಗಿ ಗಜಲ್ ಆಗಿಲ್ಲ. ಇದರಲ್ಲಿ ಕಾಫಿಯಾ ಪಾಲನೆಯಾಗಿಲ್ಲ.
ಸರಿ ಸರ್ ಪ್ರಯತ್ನಿಸುವೆ