ಕಾವ್ಯ ಸಂಗಾತಿ
ಭಾರತಿ ಅಶೋಕ್
“ಶಿಲುಬೆಗೇರಿಸುವ ಕಾಲ”
ಅವಳು
ದಿನವೂ ಶಿಲುವೆಗೇರುತ್ತಾಳೆ
ಸಂಸಾರ ಬಂಡಿಯ ನೊಗವ ಕತ್ತಿಗೆ
ಬಿಗಿದುಕೊಂಡು.
ಕತ್ತು ಬಗ್ಗಿಸಿ
ಒಮ್ಮೆ ದೀರ್ಘ ಉಸಿರೆಳೆದು ಸುಧಾರಿಸಿಕೊಳ್ಳಲಾಗದ
ಭಾರ ಹೊತ್ತು ಎಳೆಯುತ್ತಲೇ ಇದ್ದಾಳೆ ಬಂಡಿಯ
ಅವಳಿಗೆ
ಮೈ ತುಂಬಾ ಕೈಗಳು, ಕೈಗೊಂದರಂತೆ ಜವಬ್ಧಾರಿಯ
ಮೊಳೆ ಹೊಡೆಯಲಾಗಿದೆ ಅದಕವಳ ತಕರಾರಿಲ್ಲ
ಶತಮಾನಗಳಿಂದ
ಅವಳ ದೇಹ ಮನಸ್ಸುಗಳ ಮೇಲೆ
ಕ್ರೌರ್ಯ ಮೆರೆದವರನವಳು ಶಿಲುಬೆಗೇರಿಸುವ
ಕಾಲ ಈಗ ಸನ್ನಿಹಿತವಾಗಿದೆ.
ಭಾರತಿ ಅಶೋಕ್
About The Author
