ಕಾಮಕ್ಕೆ ಕಣ್ಣಿಲ್ಲ
ತೊಡುವ ಉಡುಗೆಯೊಳು ಸೆಳೆಯುವುದಲ್ಲ
ನೋಡುವ ಕಂಗಳಿಗೆ ನಾಗರೀಕತೆಯಿಲ್ಲ
ಪೊರೆವ ಭುವಿಗೆ ಸುಡುವ ಅಗ್ನಿಗೆ ಲಿಂಗ ಬೇಧವಿಲ್ಲ
ಕುರುಡಾದ ಕಾಮಕ್ಕೆ ಏಕೆ ಇದು ತಿಳಿಯುತ್ತಿಲ್ಲ ||

ಜೀವತಳೆದದ್ದು ಅದೇ ನಗ್ನ ಸೃಷ್ಠಿ ಮೂಲದಿಂದಲೇ
ಬೆಳೆವಾಗ ಉಂಡು ಜೀವಿಸಿದ್ದು ನಗ್ನವಾದ ಅದೇ ತಾಯ್ತನದ ಅಮೃತ ಕುಂಭದಿಂದಲೇ
ಮರೆಯಾದ ಅದೇ ಅಂಗಗಳೇ ನಿನ್ನ ಕಾಮಕ್ಕೆ ಪ್ರಚೋದಿಸಿದವೇ
ಕಾಮತುಂಬಿದ ಕಂಗಳಿಗೆ ಆ ತಾಯ್ತನದ ನಗ್ನತೆಯು ಕಾಣಲಿಲ್ಲವೇ ||

ಜನ್ಮವೆಂಬುದಾದರೆ ಬೇಡ ಈ ಹೆಣ್ತನವೆಂಬ ನರಕ
ಮಡಿದಾಗ ಮಣ್ಣಾಗುವ ಈ ತೊಗಲು ಕಾಯದ ದುಃಖ
ಮರುಕಳಿಸದಿರು ಈ ಆಕರ್ಷಕ ಅಂಗಗಳೆಂಬ ಕಳಂಕ
ವಿಕೃತ ಮನಗಳ ನೋಟಕ್ಕೆ ಬೇಸತ್ತು ಮನದಿ ಮೂಡಿದೆ ಮರುಕ ||