ಕಾವ್ಯ ಸಂಗಾತಿ
ಬೆಳಕು-ಪ್ರಿಯ(ಮುರಳಿ) ಹೊಸದುರ್ಗ
ಹೆಣ್ಣು, ದೇವರಲ್ಲ ಸಖ
ಅಪ್ಪ-ಅಮ್ಮನಾಸೆಗೆ ತನ್ನಾಸೆಯ
ಬದಿಗೊತ್ತಿದ ಬದುಕಿಗೆ
ಭರವಸೆಯ ಒಲವು ಬೇಕಿದೆ ಗೆಳೆಯಾ….
ಹೊತ್ತಿನೊತ್ತಿಗೆ ಸುತ್ತಿದ ಜೀವಕೆ ಹಿಡಿ ಪ್ರೀತಿಯೊರತು,ಅದೇ
ನಕಲು ಮಾತುಗಳು ಸವಕಳಾಗಿವೆ ಗೆಳೆಯಾ…
ಮುಟ್ಟಿನಿಂದ ಹುಟ್ಟಿ ಮುಟ್ಟಾದವಳ ಹಟ್ಟಿಯಿಂದೊರವಿಟ್ಟವರ
ಮೆಟ್ಟಿ ನಿಲ್ಲುವ ಸಾಂತ್ವಾನ ಸಾಕು ಗೆಳೆಯಾ….
ಕತ್ತಲೆಯ ಬೆತ್ತಲೆಯೊಳಗೆ
ಸತ್ತ ಕನಸುಗಳ ಆರ್ತನಾದ
ಆಲಿಸುವ ಆಪ್ತನೊಬ್ಬ ಬೇಕಿದೆ ಗೆಳೆಯಾ….
ಹೆಣ್ಣು ದೇವರೆಂದವರು
ಕಣ್ಬಿಡುವ ಮುಂಚೆ ಮಣ್ಣು ಮಾಡಿದವರ
ಮನ ಕರಗಿಸುವ ಕಾಲ ಬರಬೇಕು ಗೆಳೆಯಾ….
ಹೆಣ್ಣೆಂದರೇ, ದೇವರಲ್ಲ, ಕರುಣೆ ಸಹನೆಯಲ್ಲ, ನಿನ್ನಂತೆ ಜೀವವೆಂದು ತಿಳಿದುಬಿಡು ಗೆಳೆಯಾ….
ಬೆಳಕು-ಪ್ರಿಯ
ಪ್ರತಿ ಹೆಂಗರುಳಿಗೂ ತನ್ನ ಆರ್ತನಾದವ ಆಲಿಸುವ ಆಪ್ತನೊಬ್ಬ ಬೇಕೆಂಬುದನ್ನ ತುಂಬಾ ಸುಂದರವಾಗಿ ಅರುಹಿದ್ದೀರಿ ಕವಿತೆ ಅತ್ಯಾಪ್ತವಾಗಿದೆ
ಅಧ್ಬುತ ವಾದ ಸಾಲುಗಳು
ಅದ್ಭುತವಾದ ಪದ ಸಂಪತ್ತನ್ನು ಒಳಗೊಂಡ , ಹೆಣ್ಣು ಜೀವದ ಆರ್ತನಾದವ ಮನಮುಟ್ಟುವಂತೆ ಬರದ ಸಾಲುಗಳು. …… ಗುರೂಜಿ
ಹೆಣ್ಣನ್ನು ತೆರೆದು ತೋರಿದ ಕವನ,ನವಿರಾಗಿದೆ.ಕೆಲವೆಡೆ ಕಾಗುಣಿತ ದೋಷಗಳನ್ನು ಹೊರತುಪಡಿಸಿದರೆ ಒಟ್ಟಾರೆ ಉತ್ತಮ ಕವನ.ಅಭಿನಂದನೆಗಳು., ಶುಭವಾಗಲಿ
ಅಂತಃಕರಣ ಕಲಕುವ ಸಹಜ ಸಾಲುಗಳು ಗೆಳೆಯ
ಧನ್ಯವಾದಗಳು ತಮ್ಮ ಆಪ್ತವಾದ ಪ್ರತಿಕ್ರಿಯೆಗೆ
ಧನ್ಯವಾದಗಳು ತಮ್ಮಗಳ ಓದುವಿಕೆಗೆ
Good piece of writing..
ಅತುತ್ಯುತ್ತಮ್ಮವಾಗಿದೆ
ಅತ್ಯುತ್ತಮವಾಗಿದೆ ಸರ್