ಕಾವ್ಯ ಸಂಗಾತಿ
ಸವಿತಾ ದೇಶಮುಖ ಅವರ
ವಿಡಂಬನಾ ಕವಿತೆ-
ಅಧಿವೇಶನ
ಅಧಿವೇಶನವಿದು- ಅಧಿಕರ ಸೋತ್ತು
ಮಾತು -ವಾಗ್ದಾನಗಳ ಜಗತ್ತು,!
ತಮ್ಮತನ ಮೆರೆವ ಗತ್ತು….
ವೇಷಧಾರಿಯರ ಗುರತು!
ಮಾತಿಗೆ ಮಾತಿನ ಹುರುಳು!
ಇರದು ಹೊಂದಾಣಿಕೆಯ ತಿರುಳು!
ಅರ್ಥವಿರದ ತಿರುವಿನ ತಿರಲು!
ನೋಡಲಾಗದ ಅಧಿಕರ ಕೂಟವದು..
ವಾದ- ಅಪವಾದಗಳ ವಿಪತ್ತು !
ಬಿಡಿಸಲಾಗದ-ಸಹಿಸದ ಕುತ್ತು !
ವೈರಿ -ಪಕ್ಷಗಳ ತೊತ್ತು!
ಮರೆ ಮಾಚಲಾಗದ ಗಮ್ಮತ್ತು….
ಹೊರಗೊಂದು ಒಳಗೊಂದು!
ಗೊಂದಲದ ಕೂಟವಿದು!
ಸತ್ಯವೇ ನಸುನಾಚಿ ಕೊಳ್ಳುವುದು !
ಆಶ್ವಾಸನೆ -ವಾಗ್ದಾನಗಳ ಮೇಳವದು …..
ಒಬ್ಬರ ಮೇಲೊಬ್ಬರು
ಹುಗಿ-ಮುಗಿ ಬೀಳುವರು!
ಹರಿದು-ಹಾಯ್ಯುವರು!
ಕೈ ಮೈ ಹೊಡೆದಾಟ, ಅಧಿಕತನವದು..
ಅಧಿವೇಶನದ ಒಳಾಂಗಣದಲ್ಲಿ
ಎದುರಾಳಿಗಳು ಇವರು-ಅಲ್ಲಿ!
ಹೊರಹೊಮ್ಮಿದರೆ ಸ್ನೇಹಿತರಿವರು!
ಹೆಗಲೊಡ್ಡಿ ತಿರುವುವರಲ್ಲಿ…..
ಅಧಿವೇಶನವಿದು – ಅಧಿಕ ಮತೀಯರ
ಆಟದ ಅಂಗಳವಿದು……..
ಸವಿತಾ ದೇಶಮುಖ
