ಮಕ್ಕಳ ಸಂಗಾತಿ
ಶಿಹೊಂ ಮಕ್ಕಳ ಕವಿತೆ-
ಆಡಬೇಕೂಂತ ಆಡಬೇಕು
ಆಡಬೇಕು ಆಡಬೇಕು
ಆಡಬೇಕೂ ಆಟಕ್ಕಾಗಿ
ಇದ ಬಿಟ್ಟರೆ ಆಡಬೇಕು ಏತಕ್ಕಾಗಿ?!
ಗೆಳೆಯರು ಇರತಾರೆ
ಗೆಳತಿಯರು ಬರತಾರೆ
ಕೂಡಿ ಆಡುವುದು ಮುಖ್ಯ
ಅದಕೂ ಮಿಗಿಲು ಇವರ ಸಖ್ಯ
ನಡುನಡುವೆ ಇರತದೆ ಜಗಳ
ಆಗತದೆ ಮನಸ್ಸು ಝಳಝಳ
ಹೊಳೀತದೆ ಗೆಳೆತನ ಫಳಫಳ!
ಗೆದ್ದವರಿಗೆ ಗೆಲವೋಂದೇ ಬಹುಮಾನ!
ಸೋತವರಿಗೆ ಇಲ್ಲವೇ ಇಲ್ಲ ಅವಮಾನ!
ಗೆದ್ದರೂ ಸೋತರೂ ಯಾರಿಗೂ ಇಲ್ಲ ಬಿಗುಮಾನ!
ಆಡಬೇಕೂ ಅಂತನೇ
ಆಡತೀವಿ
ಕೂಡಿ ಇರಬೇಕೂ ಅಂತನೇ
ಕೂಡಿ ಇರತೀವಿ!
ಲೋಕದ ಜಗಳವ ಲೋಕಕೇ
ಬಿಡತೀವಿ
ಬದುಕಿನ ಬಂಡಿ ನಿಲ್ಲದಂಗ
ಹೊಡೀತೀವಿ!
ಶಿಹೊಂ
About The Author
ಬಹಳ ಚೆನ್ನಾಗಿದೆ ಈ ಕವನ….
ಬರೀ ಗೆಲುವು ಹಿಂದೆ ಓಡುತ್ತಿರುವ ಜಗತ್ತಿಗೇ ಇದು ಉತ್ತರ ಆಗಬಲ್ಲದು….
ವಂದನೆಗಳು ಸರ್
ಕವನದ ಆಶಯವನ್ನು ಸರಿಯಾಗಿ ಗ್ರಹಿಸಿ, ಒಳ್ಳೆಯದು ಮಾತುಗಳನ್ನೂ ಆಡಿದ್ದೀರಿ. ಧನ್ಯವಾದಗಳು.