ಲಲಿತಾ ಪ್ರಭು ಅಂಗಡಿ ಅವರ ಕವಿತೆ-ಅವನು ಅವಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಲಲಿತಾ ಪ್ರಭು ಅಂಗಡಿ

ಅವನು ಅವಳು

ಅವಳದು ಚಿಗುರುವ ಕನಸು
ಅವನದು ಚಿಗುರಿದ ಮನಸು
ಅವಳು ಚಿಗುರೊಡೆದ ಬಳ್ಳಿ
ಅವನು ಬರಸೆಳೆವ ಮರ
ಅವಳು ಚಿಗರೆಯಂತೆ ಚಕೋರಿ
ಅವನು ಚಿಗುರುಮೀಸೆಯ
ಚಕೋರ
ಅವಳು ಕಾಣದ ಭಕ್ತಿಯ ಸ್ಟರೂಪ
ಅವನು ತಲ್ಲಣದ ಹುಡುಕಾಟ
ಅವಳು ತಾಳಿ ತಪಸ್ವಿಯಾದವಳು
ಅವನು ತಪವಗೈದು ತಪೋಋಷಿ
ಅವಳದು ಚಿಗುರೊಡೆಯುವ ಮುಗ್ಧ ಮನಸು
ಅವನದು ಚಿವುಟಿಹಾಕುವ ಚೋದ್ಯಮನಸು
ಅವಳು ಚಿರಂತನ ಚಿನ್ಮಯಿ
ಅವನು ಚಿರಂತನ ಚಿದ್ಸ್ವರೂಪಿ
ಅವಳು ತಲ್ಲಣ ತವಕಗಳಿಗೆ ಸಹನೆಯ ಸ್ಟರೂಪ
ಅವನು ಪಂಚೇಂದ್ರಿಯಗಳ ಪರಮ ಭಕ್ತ
ಅವಳು ಭಾವನೆಗಳ ತೋರಣಕಟ್ಟಿದವಳು
ಅವನು ಬಾಹು ಬಂಧನ ಕಟ್ಟಿದವನು.