ಕಾವ್ಯ ಸಂಗಾತಿ
ಲೋಹಿತೇಶ್ವರಿ ಎಸ್ ಪಿ
ಕಾಲದ ಕನ್ನಡಿ
ಕಾಲದ ಕನ್ನಡಿಯೆದುರು
ನಿಂತಾಗಲೆಲ್ಲಾ
ನಿನ್ನದೇ ಪ್ರತಿಬಿಂಬ
ಕಳೆದು ಹೋಗಿದೆ
ನನ್ನ ರೂಪ
ನಿನ್ನದೇ ನೆನಪಿನಲಿ
ಬರೆದ ಸಾಲುಗಳಾದರೂ
ಕಣ್ಣಮುಂದಿವೆ ಎಂಬ
ಸಮಾಧಾನ
ಆ ಸಾಲುಗಳ ಕಂಡೊಡನೆ
ಮರೆಯಾದ ಹಲವು ಸಾಲುಗಳು
ಬಂದು ಮುನ್ನುಡಿಯ ಕೂಡಿವೆ
ಗುಪ್ತಗಾಮಿನಿಯಾಗಿ
ಸುಪ್ತ ಮನಸ್ಸಿನ ಅದ್ಭುತ
ಅನುಭವವಾಗಿ
ಕಾಲದ ಕನ್ನಡಿಯೆ ಹಾಗೆ
ಇರುವುದ ದೂರಸರಿಸಿ
ಮತ್ತೆ ಸನಿಹವಾಗಿಸುವುದು
ಕಾಲದ ಕನ್ನಡಿ
ದೂರ ಸನಿಹ ಭಾವ ಎಂಬ
ಭಾವಗಳ ಬೆನ್ನುಡಿ…
ಲೋಹಿತೇಶ್ವರಿ ಎಸ್ ಪಿ
