ಕಾವ್ಯ ಸಂಗಾತಿ
ವಾಣಿ ಯಡಹಳ್ಳಿಮಠ
ಗಜಲ್
ಜೋಗುಳ ಹಾಡಿ ನೆನಪುಗಳನು ಮಲಗಿಸಿರುವೆ
ಮರಳಿ ಬರಬೇಡ
ಹಗಲೆಲ್ಲ ಹಗುರಾಗದೆ ನಿಟ್ಟುಸಿರಿಟ್ಟು ದಣಿದಿರುವೆ
ಮರಳಿ ಬರಬೇಡ
ಕುಸಿಯುತಿದೆ ಕಸುವು ದಿನ ದಿನಕೆ
ಗೆಳೆಯ
ಕಣ್ಣಲಿದ್ದ ಕಂಬನಿಯನ್ನೆಲ್ಲಾ ಬಸಿದಿರುವೆ
ಮರಳಿ ಬರಬೇಡ
ನಿನ್ನನುರಾಗವನೇ ಹಾಸಿ ಹೊದ್ದು
ಮಲಗುವ ರಾತ್ರಿಗಳಿದ್ದವು
ನೀ ಕೊಟ್ಟ ಕನಸುಗಳ ಕತ್ತು ಹಿಸುಕಿರುವೆ
ಮರಳಿ ಬರಬೇಡ
ಮನದ ಮನೆಯ ಇಂಚಿಂಚು
ಸೀಳೀ ಕುಸಿಯುತಿಹುದು ಸಾಕಿ
ತಾಳಲಾಗದೆ ನೋವಿಗೆ ಮಂಪರು ನೀಡಿರುವೆ
ಮರಳಿ ಬರಬೇಡ
ನೇಹದ ಹೆಸರಲಿ ನರಳಿದವು
‘ವಾಣಿ’ಯ ಭಾವನೆಗಳು
ಎದೆಗಿಳಿದ ಒಲವ ಎದೆಬಗೆದು ಬರಿದಾಗಿಸಿರುವೆ
ಮರಳಿ ಬರಬೇಡ
ವಾಣಿ ಯಡಹಳ್ಳಿಮಠ
ಮನ ಮಿಡಿಸಿದ ಗಜಲ್ ವಾಣಿ ಅವರೇ…… ಧನ್ಯವಾದಗಳು
ತುಂಬಾ ಧನ್ಯವಾದಗಳು
ಮನ ಮಿಡಿಸುವ ಗಜಲ್ ಮೇಡಂ
ಅದೂ ಬಹುದಿನಗಳ ನಂತರ ಧನ್ಯವಾದಗಳು
ತಮ್ಮ ಪ್ರೋತ್ಸಾಹಕ್ಕೆ ತುಂಬಾ ಧನ್ಯವಾದಗಳು