ಕಾವ್ಯ ಸಂಗಾತಿ
ಸುಪ್ತದೀಪ್ತಿ
ಪೇಪರ್ ಪೊಟ್ಟಣ
ಬೀದಿಬದಿಯಲ್ಲಿ ನಿಂತಿದ್ದಾನೆ ಹುಡುಗ
ಪೊಟ್ಟಣಗಳ ಕಂತೆ ಹಿಡಿದು
ಒಂದೊಂದರಲ್ಲಿಯೂ ಒಂದೊಂದು ಕಿನ್ನರಿ
ಪುಟ್ಟ ಕನಸುಗಳ ಮುಡಿದು
ನಿಮಗೆ ಬೇಕಾದ್ದನ್ನು ನೀವು ಆರಿಸಿಕೊಳ್ಳಿ
ನೆಟ್ಟಕಂಗಳಲಿ ಹುಡುಕಿ
ತೆರೆದು ಇಣುಕಿದರುಂಟು ಅಚ್ಚರಿಯ ಇಡುಗಂಟು
ಕಟ್ಟಿನಲ್ಲಿಲ್ಲ ಬೆರಕಿ
ಹಗುರ ಪೇಪರುಹಾಳೆ ಸುತ್ತೊಂದು ಚೌಕಟ್ಟು
ಪಟ್ಟಿ ಮೀರಿದ ಪದಗಳಾಟ
ಪೀನಗಾಜಿನ ಆಚೆ ಕಂಡದ್ದು ಏನಂತೆ?
ದಿಟ್ಟಿಯೊಳಗಿರಲಿ ನೋಟ
ಬೀದಿಬದಿ ಹುಡುಗನಿಗೆ ಹಸಿವೆಗಣ್ಣಲು ನಿದ್ರೆ
ಪೊಟ್ಟಣವ ಮಾರಬೇಕು
ಕನಸಕಿನ್ನರಿಯರನು ವಾರೀಸುದಾರರಿಗೆ
ಮುಟ್ಟಿಸಿಯೆ ಮಲಗಬೇಕು
ಸುಪ್ತದೀಪ್ತಿ
